Aqyn, sazger, dramatýrg, «Platınaly Tarlan» syılyǵynyń ıegeri  Israıl  Saparbaımen  Halyqaralyq bıznes jáne Komýnıkasıalar kolejiniń stýdentteri «Qazaqtyń qara balasy» atty kezdesý ótkizdi.  Atqarýshy- dırektor Sembıeva Sáýle Baltabaıqyzy men  Jalpy bilim berý jáne áleýmettik pánder meńgerýshisi Mudýarova Larısa Muhambetqalıqyzynyń uıymdastyrýymen ótken is-sharanyń negizi, belgili aqynnyń taǵylymǵa toly shyǵarmashylyǵymen jastardy tanystyrý ári aqynnyń tanymdyq áńgimelerin tyńdaý bolatyn. Shyǵarmashylyq keshte Israıl aǵamyzǵa stýdentter ár taqyryptar boıynsha suraqtar qoıyp, Israıl Saparbaıdyń ómirbaıany jaıynda derekti sújetter de kórsetildi. Aqynnyń «Jas qazaq», «Jalǵyzym», «Bizdiń qoǵam», «Ózime-ózim» syndy óleńderin mánerlep oqyǵan jastar, sonymen qatar «Bir tamshy kózdiń jasyndaı», «Men qazaq qyzdaryna qaıran qalam» ánderin tebirente oryndady. Jas aqyn Qalıev  Ibrahım  Bolatuly Israıl Saparbaıǵa ózi jazǵan arnaýyn tebirene oqydy.

«Qazirgi qoǵamǵa kóńilińiz tola ma?» degen suraqqa aqyn: «Osy kúnge jaryq kórgen óleńderim jaýap bolmaq, astarly sózben aıtylǵan ashshy, yzaly oı!», –dep jaýap berdi.  22 qyrkúıek Qazaqstan Respýblıkasynyń tilder merekesimen, Almaty qalasynyń 1000 jyldyǵyna oraı uıymdastyrylǵan is-sharada Israıl Saparbaı jastaǵa otan súıý, ádebıet-mádenıet, salt-dástúr, tarıhymyzdy, asyl dinimizdi syılaý jaıynda keńirek áńgime órbitti. Sóziniń sońynda «ózge ultqa eliktegendeı óz memlekettimizdiń salt-dástúrine de mán bere qarańdar. Eldiń bolashaǵy, jurttyń erteńi – senderdiń qoldaryńda»,  – dep aıaqtady.