سوڭعى بەس جىلدا قازاقستاننىڭ IT-قىزمەتتەر ەكسپورتى 2020 جىلعى 33,5 ملن اقش دوللارىنان 2025 جىلدىڭ قورىتىندىسى بويىنشا 1,142 ملرد اقش دوللارىنا دەيٸن ٶستٸ. وسىلايشا, سالىستىرمالى تٷردە قىسقا ۋاقىت ٸشٸندە IT-قىزمەتتەر قالىپتاسىپ كەلە جاتقان باعىتتان ەل ەكسپورتىنىڭ ماڭىزدى سالالارىنىڭ بٸرٸنە اينالدى, دەپ حابارلايدى dalanews.kz.
IT-قىزمەتتەر ەكسپورتى وسى كەزەڭ بويى تۇراقتى ٶسٸم كٶرسەتتٸ. 2021 جىلى ەكسپورت كٶلەمٸ 60,07 ملن اقش دوللارىن, 2022 جىلى 337 ملن اقش دوللارىن, 2023 جىلى 529,1 ملن اقش دوللارىن, 2024 جىلى 690,7 ملن اقش دوللارىن قۇرادى. ال 2025 جىلى بۇل كٶرسەتكٸش العاش رەت 1 ملرد اقش دوللارىنان استى.
سونىمەن قاتار قازاقستان IT-قىزمەتتەردٸڭ نەتتو-ەكسپورتتاۋشىسى دەڭگەيٸنە شىقتى. ەكسپورتتان تٷسكەن تابىس شەتەلدٸك تسيفرلىق شەشٸمدەردٸ يمپورتتاۋعا جۇمسالعان 429 ملن اقش دوللارىنان 2,6 ەسەدەن استام جوعارى بولدى.
وسى كٶرسەتكٸشتەردٸڭ اياسىندا قازاقستان ٶڭٸردەگٸ تەحنولوگييالىق ەكسپورتتاۋشىلار اراسىنداعى پوزيتسيياسىن نىعايتىپ كەلەدٸ. سالىستىرۋ ٷشٸن, گرۋزييانىڭ تەلەكوممۋنيكاتسييالىق, كومپيۋتەرلٸك جەنە اقپاراتتىق قىزمەتتەر ەكسپورتى 2024 جىلى 842,3 ملن اقش دوللارىن, ال ارمەنييادا شامامەن 1,18 ملرد اقش دوللارىن قۇرادى.
ەكسپورت كٶلەمٸنٸڭ ٶسۋٸ قازاقستاندىق IT-كومپانييالاردىڭ حالىقارالىق نارىقتارداعى قاتىسۋ گەوگرافيياسىنىڭ كەڭەيۋٸمەن قاتار جٷرٸپ جاتىر. بٷگٸندە وتاندىق تسيفرلىق شەشٸمدەر ەلەمنٸڭ 110-نان استام ەلٸنە ەكسپورتتالادى. Astana Hub قاتىسۋشىلارىنىڭ ەكسپورتى 2025 جىلى 634 ملن اقش دوللارىنا جەتتٸ, 537 كومپانييا شەتەلدٸك نارىقتارعا ٶنٸمدەرٸن شىعارىپ وتىر, ال ەكوجٷيەدە 32 مىڭنان استام جۇمىس ورنى قۇرىلدى.
كەلەسٸ كەزەڭ قازاقستاندىق تەحنولوگييالىق كومپانييالاردى اۋقىمدى تٷردە دامىتۋ جەنە ولاردىڭ ٸرٸ حالىقارالىق نارىقتارعا شىعۋىنا باعىتتالادى. باسىم باعىت رەتٸندە اقش, ەۋروپا, تاياۋ شىعىس جەنە ازييا نارىقتارى, سونداي-اق وتاندىق IT-شەشٸمدەردٸ حالىقارالىق دەڭگەيدە ٸلگەرٸلەتۋ ارنالارى قاراستىرىلىپ وتىر. ستراتەگييالىق ماقسات قازاقستاننىڭ IT-قىزمەتتەر ەكسپورتىن 2030 جىلعا قاراي 5 ملرد اقش دوللارىنا دەيٸن جەتكٸزۋ.
قازاقستانداعى ٶسٸمنٸڭ باستى ەرەكشەلٸگٸ تەك اۋقىمىندا عانا ەمەس, ونىڭ قارقىنىندا دا. وسىدان بەس جىل بۇرىن ەلٸمٸزدٸڭ IT-قىزمەتتەر ەكسپورتى ونداعان ميلليون اقش دوللارىمەن ٶلشەنسە, بٷگٸندە 1 ملرد اقش دوللارىنان استى. قازاقستان ٸس جٷزٸندە قالىپتاسىپ كەلە جاتقان IT-نارىقتار ساناتىنان ٶڭٸرلٸك تەحنولوگييالىق ەكسپورتتاۋشىلار قاتارىنا ٶتتٸ.
