مەتەورولوگ ماماندىعىن مەڭگەرگەن پەتر يۆانوۆيچ العاشىندا قۇلالى ارالىنا تەڭىز ايدىنىنداعى اۋا-رايىن زەرتتەۋگە ۋاقىتشاعا عانا كەلگەن. كەيىن ارالدىڭ تابيعاتىن ۇناتىپ، وسىندا قالۋدى ۇيعارادى.
– قالاعا جىلىنا ءبىر رەت شەكاراشىلاردىڭ تىكۇشاعى نەمەسە كەمەسىمەن بارىپ كەلەمىن. الايدا ۋ-شۋ ورتادان، ءتورت قابىرعادان تەز زەرىگىپ كەتەمىن. بالا كەزىمنەن تاۋدىڭ ەتەگىندە ءوستىم، تابيعاتقا جاقىنمىن. مۇندا تازا اۋا، تىلسىم تابيعات، ءوزىمدى ارالدىڭ قوجايىنىنداي سەزىنەمىن، – دەيدى ول.
قازاقستاندىق «روبينزون كرۋزو» پەتر لۋپەنكوۆ قازىرگى تاڭدا ماڭعىستاۋ مەتەورولوگيالىق ستانساسىنىڭ «قۇلالى» ارالىنداعى وكىلى رەتىندە ءار ءۇش ساعات سايىن سۋ دەڭگەيىن، تولقىننىڭ بيىكتىگى مەن جەلدىڭ جىلدامدىعىن باقىلاپ، ورتالىققا حابارلاپ وتىرادى.
بۇل اقپاراتتار تەڭىزگە شىققان كەمەلەر مەن بالىقشىلاردىڭ قاۋىپسىزدىگى ءۇشىن اسا قاجەت.
