ەنەرگەتيكا مينيسترلٸگٸ ۇيىمداستىرعان سوڭعى ونلاين اۋكتسيوندا مۇناي مەن گاز قورىنا باي 6 كەن ورنىنىڭ بەسەۋٸن قىتاي مەن سينگاپۋردان كەلگەن ينۆەستورلار ساتىپ العان دەپ جازادى DALA INSIDE تەلەگرام ارناسى.
ساۋدا بارىسىندا ەڭ جوعارى باعانى Sozak Oil & Gas كومپانيياسى ۇسىنعان. گەوبارلاۋمەن اينالىساتىن كومپانييا ۇلىتاۋ وبلىسىنداعى باستاپقى باعاسى 73 ميلليون تەڭگەگە باعالانعان بەستاقىر ۋچاسكٸسٸ ٷشٸن 23,4 ميلليارد تەڭگە (شامامەن $45 ميلليون) كٶلەمٸندە ٶتٸنٸم بەرگەن.
كومپانييا قازاقستاندا تٸركەلگەنٸمەن, نەگٸزگٸ اكتسيونەرٸ نيدەرلاندتا تٸركەلگەن Sino-Science Petroleum كومپانيياسى. سوڭعى يەسٸ قىتايلىق حۋەي لين دەپ تۇر. اۋكتسيون شارتىنا ساي 17 جەلتوقسانعا دەيٸن كەلٸسٸلگەن سومانى تولىق تٶلەسە Sozak Oil-عا وسى اۋماقتا مۇناي مەن گازدى بارلاۋ جەنە ٶندٸرۋ قۇقىعى بەرٸلەدٸ.
بەستاقىردىڭ اۋماعى 4700 شارشى شاقىرىمنان اسىپ جىعىلادى. ەزٸرگە مۇندا ٸرٸ كەن ورىندارى تابىلعان جوق, دەگەنمەن دەل ٸرگەسٸندەگٸ قۇمكٶلدىڭ مۇناي قورى شامامەن 1 ميلليارد باررەلگە باعالانىپ وتىر.
قۇمكٶلدٸ قازٸر Turgai Petroleum جەنە PetroKazakhstan Kumkol Resources بٸرلەسٸپ يگەرۋدە. ەكەۋٸ دە قىتايدىڭ ۇلتتىق مۇناي-گاز كورپوراتسيياسىمەن قويىن-قولتىقتاسىپ جۇمىس ٸستەيدٸ.
اۋكتسيونداعى ەكٸنشٸ ەڭ جوعارى ٶتٸنٸمدٸ Kazakhstan Zhonghengyongsheng Energy كومپانيياسى بەرگەن. ولار اتىراۋداعى 1977 جىلى اشىلعان كۇلسارى ۋچاسكٸسٸ ٷشٸن 2,6 ميلليارد تەڭگە ۇسىنعان. كومپانييا سينگاپۋردا تٸركەلگەن Weiye Trading-كە تيەسٸلٸ.
ٷشٸنشٸ ورىندى Pro Explore Mining Company تٷيٸندەگەن. ولار اتىراۋ وبلىسىنداعى قيعاش اۋماعىن ساتىپ الۋ ٷشٸن 1,7 ميلليارد تەڭگە ۇسىنىپتى. بۇل كومپانييانىڭ تٷپ يەسٸ دە قىتاي بيزنەسمەنٸ.
"كومپانييا قازاقستاندا ەكٸ-ٷش اي بۇرىن عانا تٸركەلگەن. بۇعان قاراپ "بۇلار ارنايى وسى اۋكتسيونعا قاتىسۋ ٷشٸن قۇرىلعان با?" دەگەن ويعا قالاسىڭ. قالعان ٷش ۋچاسكٸ دە قىتاي مەن سينگاپۋردان كەلگەن ينۆەستورلاردىڭ باقىلاۋىنا ٶتكەن. Astana Guangming Mining مەن HarmonyOre Mining Company قىتايدان كەلگەن ينۆەستورلارمەن تىعىز بايلانىستى. بىلايشا ايتقاندا, بۇلاردىڭ ارتىندا شەتەلدٸك كاپيتال تۇر.
اۋكتسيوننىڭ ەرەكشە نازار اۋدارار تۇسى كەي كومپانييالاردىڭ كٷنٸ كەشە عانا تٸركەلٸپ, قىسقا مەرزٸمدە ستراتەگييالىق اكتيۆتەرگە قول جەتكٸزگەنٸ. ايتالىق, قىركٷيەكتە تٸركەلگەن كومپانييانىڭ ٸرٸ جەر تەلٸمدەرٸن يەلەنۋٸ اۋكتسيوننىڭ ەدٸلەتتٸ ٶتكەنٸنە كٷمەن تۋعىزادى", - دەپ پايىمدايدى DALA INSIDE.
