چەليابٸ وبلىسىنداعى كياليمسكوە سۋ قويماسىندا جاۋىن-شاشىننىڭ سالدارىنان بٶگەتتٸ سۋ شايىپ كەتتٸ, دەپ حابارلايدى Dalanews.kz.
ريا نوۆوستي مەلٸمەتٸنشە, چەليابٸ وبلىسىنىڭ قاراباش اۋدانىندا تٶتەنشە جاعداي جارييالاندى. كەيٸن تٶتەنشە جاعدايلار مينيسترلٸگٸنٸڭ قۇتقارۋشىلارى تاڭ ىتىسىمەن شۇعىل قالپىنا كەلتٸرۋ جۇمىستارىن باستايتىنى بەلگٸلٸ بولدى.
رەسەي فەدەراتسيياسىنىڭ تجم جارييالاعان اقپاراتقا سەيكەس, قۇتقارۋشىلار ايماقتىڭ بٸرنەشە بٶلٸگٸندە تۇرعىنداردى قاۋٸپسٸز ايماققا شىعاردى.
“رەسەي تجم چەليابٸ وبلىسىندا 163 تۇرعىندى, ونىڭ ٸشٸندە 21 بالانى ەۆاكۋاتسييالادى”, - دەلٸنگەن ۆەدومستۆو حابارلاماسىندا.
قۇتقارۋشىلار وقيعا ورنىندا جۇمىسىن جالعاستىرۋدا.
"چەليابٸ وبلىسىنىڭ كيوليم اۋىلىندا سۋ ٶزەن ارناسىنا قايتا ورالدى, ەلدٸ مەكەن سۋدان تولىعىمەن بوساتىلدى. قۇتقارۋشىلار ۇشقىشسىز ۇشاقتاردى پايدالانا وتىرىپ, اۋىل اۋماعىن باقىلاپ, كيوليموۆسكوە سۋ قويماسىنداعى بٶگەتتٸڭ جاعالاۋ بٶلٸگٸنٸڭ ەروزيياسىنىڭ سالدارىن جويۋعا كٸرٸستٸ", - دەلٸنگەن ۆەدومستۆو حابارلاماسىندا.
