قازاقستاندىقتاردى 4 جىل بويى الداعان الاياق رەسەيدە جٷرگەن جەرٸندە ۇستالدى

اسا ٸرٸ الاياقتىق جاسادى دەگەن كٷدٸكتٸ رەسەيدەن ەكستراديتسييالاندى, - دەپ حابارلايدى Dalanews.kz. 
 
كٷدٸكتٸ پاۆلوداردا 2019-2023 جىلدار ارالىعىندا تانىستارىنان بيزنەستٸ دامىتۋ ٷشٸن اقشا الىپ, كەپٸلدٸك رەتٸندە ٶزٸنە تيەسٸلٸ ەمەس پەتەردٸ ۇسىنعان.

 

ونىڭ قىلمىستىق ەرەكەتتەرٸ سالدارىنان پاۆلودار قالاسىنىڭ 66 تۇرعىنىنا جالپى سوماسى 223 ملن تەڭگەدەن اسا شىعىن كەلتٸرٸلدٸ.

قىلمىس جاساعاننان كەيٸن كٷدٸكتٸ جاسىرىنىپ, سوعان بايلانىستى ولحالىقارالىق ٸزدەۋگە جارييالانعان.

ٶتكەن جىلدىڭ جەلتوقسان ايىندا ول رەسەي فەدەراتسيياسى ادىگەيا رەسپۋبليكاسىنىڭ اۋماعىندا ۇستالدى, سودان كەيٸن قازاقستان رەسپۋبليكاسى باس پروكۋراتۋراسىنىڭ ٶتٸنٸشٸ بويىنشا قازاقستانعا ەكستراديتسييالاندى.

قازٸرگٸ ۋاقىتتا كٷدٸكتٸ ۋاقىتشا ۇستاۋ يزولياتورىنا قامالدى.

ايىپتالعان قىلمىستى جاساعانى ٷشٸن مٷلكٸ تەركٸلەنٸپ, بەس جىلدان ون جىلعا دەيٸنگٸ مەرزٸمگە باس بوستاندىعىنان ايىرۋ جازاسى قاراستىرىلعان.