Kaspi.kz كومپانيانىڭ نەگىزىن قالاۋشى جانە باقىلاۋشى اكسيونەرى حانزادە دوعانمەن، سونداي-اق ۆۋسلات دوعان ساباندجي، بەگيۋم دوعان فاراليالي، ارزۋحان دوعان يالچىنداگ جانە يشيل دوعانمەن Hepsiburada اكسيالارىنىڭ شامامەن 65% ساتىپ الۋ تۋرالى كەلىسىمگە قول قويدى.
Hepsiburada-نىڭ نەگىزىن 2000 جىلى حانزادە دوعان قالاعان جانە ۇزاق ۋاقىتتان بەرى تۇركياداعى ەلەكتروندى كوممەرسيانىڭ جەتەكشى پلاتفورمالارىنىڭ ءبىرى. كومپانيا كليەنتتەرگە قىزمەت كورسەتۋ، تەحنولوگيالار، لوگيستيكا جانەارتۇرلىساناتتاعى تاۋارلاردىڭكەڭ اسسورتيمەنتىنە باسىمدىق بەرە وتىرىپ، دامىدى. 2023 جىلىHepsiburada قىزمەتتەرىن 12 ميلليوننان استام ساتىپ الۋشى جانە 101 مىڭ سەرىكتەس-دۇكەن پايدالاندى. كومپانيا پلاتفورماسى ارقىلى ساتىلعان تاۋارلاردىڭ جالپى قۇنى $4 ملرد. قۇرادى.
ميحايل لومتادزە، Kaspi.kz باسشىسى جانە نەگىزىن قالاۋشىلاردىڭ ءبىرى:
«ءبىز تۇركيانىڭ ەلەكتروندى كوممەرسياداعى جەتەكشى كومپانيالارىنىڭ ءبىرى Hepsiburada-مەن كۇش بىرىكتىرۋ مۇمكىندىگىنە وتە قۋانىشتىمىز. ءبىزدىڭ ماقساتتى نارىقتى 100 ميلليون ادامعا دەيىن ۇلعايتۋ — Kaspi.kz ءۇشىن ماڭىزدى ستراتەگيالىق باسىمدىلىق.
Hepsiburada-نىڭ مادەنيەتى بىزگە وتە ۇقساس: بۇل يننوۆاسيالارعا بەيىلدىلىك، تۇتىنۋشىلار مەن سەرىكتەستەرگە جوعارى ساپالى قىزمەت كورسەتۋ جانە ۇزاق مەرزىمدى تۇراقتى وسىمگە ۇمتىلۋ. Kaspi.kz سياقتى، كومپانيا دا ەلەكتروندى كوممەرسيا سالاسىنداعى ۇلتتىق كوشباسشى جانە نەگىزىن ۆيزيونەرقالاعان. ەكى كومپانيانىڭ دا كوزقاراسى ءبىر - سۇيىكتى كليەنتتەرى مەن سەرىكتەستەرىنىڭ ءومىرىن جاقسارتۋ.
مامىلە اياقتالعاننان كەيىن ەكى كومپانيا دا ءوز برەندتەرى مەن وپەراسيالىق قۇرىلىمدارىن ساقتاپ قالادى. ءبىز Kaspi.kz پەن Hepsiburada-داعى ءبىلىم مەن تەحنولوگيالاردى بىرىكتىرىپ پايدالانا وتىرىپ، قازاقستان مەن تۇركياداعى ەلەكتروندىق كوممەرسيا مەن سيفرلىق قىزمەتتەردى ىلگەرىلەتە بەرەمىز. قازاقستاندىق جانە تۇرىك كاسىپكەرلەرى ەكى ەل اراسىنداعى جاڭا مۇمكىندىكتەردەن پايدا الاتىنىنا سەنىمدىمىن».
حانزادە دوعان، Hepsiburada كومپانياسىنىڭ نەگىزىن قالاۋشى جانە ديرەكتورلار كەڭەسىنىڭ ءتوراعاسى:
«بۇگىنگى كۇن مەن 24 جىل بۇرىن قۇرعان Hepsiburada Group ءۇشىن ماڭىزدى كەزەڭدى بىلدىرەدى. تۇركيانىڭ سيفرلانۋى مەن ەلەكتروندى كوممەرسياسىنىڭ باستاۋشىسى رەتىندە Hepsiburada قازاقستاننىڭ نارىقتىق كاپيتالدانۋى ەڭ ءىرى كومپانياسى Kaspi.kz-پەن بىرگە قىزىقتى جولعا شىققالى تۇر. مەن Hepsiburada-نىڭ جەتىستىكتەرى، 10 مىڭ قىزمەتكەرى، 101 000 سەرىكتەس دۇكەنى مەن 12 ميلليون كليەنتىنىڭ ءاربىرىن ماقتان تۇتامىن.
ءبىزدىڭ ەكوجۇيەمىز تۇركياداعى ەڭ مىقتى برەندتەردىڭ ءبىرىن قۇرۋ ءۇشىن ۇزدىكسىز جۇمىس ىستەدى. 2021 جىلى ءبىز ءوز اكسيالارىن NASDAQ-تا ورنالاستىرعان، تۇركيادان شىققان العاشقى جانە جالعىز كومپانيا بولدىق جانە ۇلتتىق تۋىمىزدى جاھاندىق تەحنولوگيالىق الىپتاردىڭ اراسىندا كوتەردىك.
مەنىڭ Hepsiburada كوزقاراسىم – تۇراقتى ءوسىم جانە ۇلكەن قۇندىلىق جاساۋ. ادامداردىڭ ءومىرىن يننوۆاسيالارى مەن جاقسارتىپ وتىرعان Kaspi.kz تە NASDAQ-تا اكسيالارىن ورنالاستىرعان – بۇل Hepsiburada-نىڭ الەۋەتىن تولىق اشۋعا كومەكتەسەتىن ءمىنسىز سەرىكتەس.
Kaspi.kz كومپانياسىنىڭ جەتىستىك تاريحى عالامدىق تەحنولوگيا الەمىندەگى شابىتتاندىراتىن وقيعالاردىڭ ءبىرى رەتىندە تانىلدى. جوعارى سەنىم دەڭگەيى مەن ينۆەستيسيالار Hepsiburada-نىڭ تۇركيانىڭ ەلەكتروندى كوممەرسيا نارىعىنداعى ورنىن ءسوزسىزنىعايتادى.
Hepsiburada قالىپتاستىرعان قۇندىلىقتارعا سەنگەن بارلىق ادامدارعا شىن جۇرەكتەن العىس ايتامىن. ءبىزدىڭ تاريحىمىزداعى جاڭا تاراۋعا اياق باسا وتىرىپ، مەن Hepsiburada مەن Kaspi.kzء-تىڭ بولاشاقتاعى بىرلەسكەن جۇمىسىنا ۇلكەن تابىس تىلەيمىن».
مامىلە قۇنى شامامەن $1 127 ميلليوندى قۇرايدى. مامىلە تۇركيانىڭ رەتتەۋشى ورگاندارىنان قاجەتتى رۇقساتتى الۋ مەنقاجەتتى زاڭدى راسىمدەردى ورىنداعاننان كەيىن، 2025 جىلدىڭ ءبىرىنشى توقسانىندا اياقتالادى دەپ كۇتىلۋدە.
Kaspi.kz تۋرالى
Kaspi.kzء-تىڭ ميسسياسى – كليەنتتەرى مەن سەرىكتەستەرىنىڭ ءومىرىن جاقسارتاتىن يننوۆاسيالىق ونىمدەر مەن قىزمەتتەردى جاساۋ. يننوۆاسيالاردىڭ ورتالىعىندا ەلدەگى ەڭتانىمال Kaspi.kz ءموبيلدى سۋپەر قوسىمشاسى تۇر، ونى 14 ميلليوننان استام قازاقستاندىق پايدالانادى جانە ول ەلدەگى جەتەكشى ەلەكتروندىق كوممەرسيا، تولەمدەر جانە قارجىلىق قىزمەتتەردى قامتيدى.
Kaspi.kz سۋپەر قوسىمشاسى ارقىلى قازاقستاندىقتار تەگىن جەتكىزۋ ارقىلى ونلاين ءتيىمدى زات ساتىپ الادى، كوميسيسياسىز تولەم جاساپ، اۋدارادى، جەكە قاراجاتتارىن باسقارادى، اۋە جانە تەمىرجول بيلەتتەرى، تۋرلار ساتىپ الادى، ەڭ تانىمال مەملەكەتتىك قىزمەتتەردى پايدالانادى.
Kaspi.kz بيزنەس ءۇشىن دە KaspiPay سۋپەرقوسىمشاسىن جاسادى، ونى 700 مىڭعا جۋىق قازاقستاندىق كاسىپكەر پايدالانادى. KaspiPay قوسىمشاسى ارقىلى قازاقستاندىق كاسىپكەرلەر بيزنەسىن دامىتۋعا قارجى كوزىن الادى، تولەمدەردى قابىلدايدى، جارنامالىق ناۋقانداردى باستايدى، سالىقتاردى تولەيدى، ەلەكتروندى كوممەرسيا جانە جەتكىزۋ پلاتفورماسىنا قوسىلىپ، ونىڭ كومەگىمەن بۇكىل ەل اۋماعىندا تاۋارلارىن ساتا الادى.
2024 جىلى Kaspi.kz اقش-تاعى NASDAQ قور بيرجاسىندا جاريا ورنالاستىرۋدى (IPO) وتكىزدى، بۇل سوڭعى ەكى جىلداعى اقش-تاعى ەڭ ءىرى اشىق جاريا ورنالاستىرۋدىڭ ءبىرى بولدى.
گارۆارد بيزنەس مەكتەبى (HarvardBusinessSchool) ماگيستراتۋرا ستۋدەنتتەرى بىرنەشە جىل قاتارىنان وقىپ جۇرگەن ەكى وقۋ ماتەريالىن جازدى. بۇل ءوز الدىنا ەرەكشە فاكت. حالىقارالىق ساراپشىلار Kaspi.kzء-تى تەحنولوگيالار ازاماتتاردىڭ ءومىرىن قالاي جاقسارتادى دەگەنگە بىرەگەي ۇلگى دەپ سانايدى.
Hepsiburada تۋرالى
Hepsiburada - تۇركياداعى ەلەكتروندى كوممەرسيانىڭ جەتەكشى تەحنولوگيالىق پلاتفورماسى، ول 30-دان استام ساناتتاعى 264 ميلليوننان استام تاۋاردى قامتيدى.
Hepsiburada ساۋدانىڭ ارالاس ۇلگىسىن پايدالانادى: تاۋارلار مەن قىزمەتتەردى تۇتىنۋشىلارعا كومپانيانىڭ ءوزى دە، سونداي-اق ونىڭ 101 مىڭ سەرىكتەسى دە ۇسىنادى. Hepsiburada تۇركياداعى ساۋدانى سيفرلاندىرۋداعى كوشباسشىلاردىڭ ءبىرى.
Hepsiburada ەلەكتروندىق كوممەرسيا پلاتفورماسى ساتۋشىلار مەن تۇتىنۋشىلار ءۇشىن كەڭ ەكوجۇيە مۇمكىندىكتەرىن ۇسىنادى، سونىڭ ىشىندە: جەتكىزۋ قىزمەتتەرى، جارنامالىق قىزمەتتەر، ازىق-تۇلىك جەتكىزۋ، تولەم شەشىمدەرى جانە كرەديتتەۋ. HepsiGlobal شەتەلدىك كاسىپكەرلەرگە جەرگىلىكتى پلاتفورمادا ءوز تاۋارلارىن ۇسىنۋعا، ال تۇرىك كاسىپكەرلەرىنە سىرتقى نارىقتارعا شىعۋعا كومەكتەسەدى.
Hepsiburada نەگىزى قالانعان 2000 جىلدان باستاپ، سيفرلىق مۇمكىندىكتەرىن ايەلدەردىڭ تۇركيا ەكونوميكاسىنداعى ءرولىن دامىتۋعا ماقساتتى تۇردە پايدالانىپ كەلەدى. 2017 جىلى Hepsiburada «ايەل-كاسىپكەرلەردىڭ مۇمكىندىكتەرىن كەڭەيتۋگە ارنالعان تەحنولوگيالار» باعدارلاماسىن ىسكە قوستى، بۇل باعدارلاما شامامەن 55 مىڭ ايەل-كاسىپكەرگە ءوز ونىمدەرىن ميلليونداعان كليەنتكە ۇسىنۋعا كومەكتەستى.
كەشەندى ۇسىنىستارى مەن الەۋمەتتىك جاۋاپكەرشىلىككە بەيىلدىلىگىنىڭ ارقاسىندا Hepsiburada كاسىپكەرلەر مەن تۇتىنۋشىلار ءۇشىن يننوۆاسيالىق شەشىمدەر ۇسىنا وتىرىپ، تۇركياداعى ەلەكتروندىق كوممەرسيا لاندشافتىن قالىپتاستىرۋدى جالعاستىرۋدا.
