تەننيسشٸ يۋلييا پۋتينتسەۆا دا پاريج وليمپياداسىنا قاتىسپايدى, دەپ حابارلايدى Dalanews.kz.
قازاقستان تەننيس فەدەراتسييانىڭ مەلٸمەتٸنشە, پۋتينتسەۆا پاريجگە ۇشىپ كەلٸپ, بەلسەندٸ تٷردە جاتتىعا باستاعان. الايدا ۋكراينالىق مارتا كوستيۋكپەن بولاتىن ماتچ الدىنداعى دايىندىقتى قازاقستاندىق سپورتشى تٸزەسٸن اۋىرتىپ العان. مەديتسينالىق تەكسەرۋدەن ٶتكەن سوڭ تۋرنيردەن باس تارتۋ تۋرالى شەشٸم قابىلداندى.
ايتا كەتەلٸك, بۇعان دەيٸن دە يۋلييا تٸزەسٸندەگٸ جاراقاتىن ايتىپ, شاعىمدانعان بولاتىن.
قازاقستان تەننيس فەدەراتسيياسىنىڭ ۆيتسە-پرەزيدەنتٸ دياس دوسقاراەۆ اتالعان جاعدايعا قاتىستى پٸكٸر بٸلدٸردٸ.
“پاريج وليمپياداسى بٸز ٷشٸن سىناقپەن باستالۋدا. الدىمەن ەلەنا رىباكينا سىرقاتىنا بايلانىستى باس تارتسا, بٷگٸن يۋلييا پۋتينتسەۆا جارقاتىنا بايلانىستى جارىستى توقتاتتى. ەكٸ سپورتشىعا دا ٷلكەن ٷمٸت ارتقان ەدٸك, ٶكٸنٸشتٸ", - دەدٸ دوسقاراەۆ.
ەسكە سالايىق, بۇعان دەيٸن WTA رەيتينگٸندە 4-ورىندا تۇرعان قازاقستاندىق تەننيسشٸ ەلەنا رىباكينا 2024 جىلى پاريجدە ٶتەتٸن وليمپيادا ويىندارىنا قاتىسۋدان باس تارتۋ تۋرالى شەشٸم قابىلداعانى بەلگٸلٸ بولعان ەدٸ.
"قۇرمەتتٸ قازاقستاندىقتار! ماعان بۇل تۋرالى ايتۋ وڭايعا سوقپادى. ٶكٸنٸشكە قاراي, پاريج وليمپياداسىنا قاتىسا المايمىن. ۋيمبلدون تۋرنيرٸنەن كەيٸن مەن جەدەل برونحيتپەن اۋىرىپ قالدىم, جاتتىعۋعا قايتا ورالۋعا تىرىسقانىممەن, دەنەم ەلٸ قالپىنا كەلگەن جوق. دەرٸگەرلەر كورتقا شىعۋىما ٷزٸلدٸ-كەسٸلدٸ تىيىم سالدى", - دەدٸ ول.
وسى تۇستا ول وليمپياداعا قاتىساتىن قازاقستاندىق سپورتشىلاردى قولدايتىنىن جەتكٸزدٸ.
