قازاقستاندا تۇرعىن ٷيلەردٸ تابيعي اپاتتاردان مٸندەتتٸ ساقتاندىرۋ جٷيەسٸن ەنگٸزۋ جوسپارلانىپ وتىر. مۇنداي ۇسىنىس قارجى نارىعىن رەتتەۋ جەنە دامىتۋ اگەنتتٸگٸ ەزٸرلەگەن 2030 جىلعا دەيٸنگٸ ساقتاندىرۋ نارىعىن دامىتۋ باعدارلاماسىندا قامتىلعان, دەپ حابارلايدى dalanews.kz.
قۇجاتقا سەيكەس, رەفورمانىڭ العاشقى كەزەڭٸندە تۇرعىن ٷيلەردٸ ٷش تٷرلٸ تابيعي اپاتتان مٸندەتتٸ ساقتاندىرۋ ۇسىنىلادى:
- جەر سٸلكٸنٸسٸ;
- سۋ تاسقىنى مەن كٶكتەمگٸ تاسقىندار;
- تابيعي ورمان ٶرتتەرٸ.
جوبا اۆتورلارىنىڭ پٸكٸرٸنشە, بۇل شارا تۇرعىن ٷي يەلەرٸنە باسپاناسى قاتتى زاقىمدانعان نەمەسە تولىقتاي جويىلعان جاعدايدا ساقتاندىرۋ تٶلەمدەرٸن الۋعا مٷمكٸندٸك بەرەدٸ. نەتيجەسٸندە تٶتەنشە جاعدايلاردان كەيٸن ازاماتتاردىڭ قارجىلىق شىعىنى ازايىپ, مەملەكەتتٸك كٶمەككە تەۋەلدٸلٸك تٶمەندەيدٸ.
باعدارلامادا مٸندەتتٸ ساقتاندىرۋدىڭ بٸرىڭعاي مودەلٸنە كٶشۋ دە قاراستىرىلعان. نەگٸزگٸ تالاپتار زاڭ دەڭگەيٸندە بەكٸتٸلسە, تاريفتەر مەن جەكەلەگەن شارتتار نورماتيۆتٸك-قۇقىقتىق اكتٸلەر ارقىلى رەتتەلٸپ وتىرادى.
سونداي-اق تەۋەكەلگە نەگٸزدەلگەن تاريفتٸك جٷيەنٸ ەنگٸزۋ ۇسىنىلعان. بۇل جاعدايدا ساقتاندىرۋ پوليسٸنٸڭ قۇنى تۇرعىن ٷيدٸڭ ورنالاسقان جەرٸ مەن قاۋٸپ دەڭگەيٸنە قاراي ەسەپتەلەدٸ. الايدا تاريفتەردٸ رەتتەۋشٸ ورگان بەلگٸلەيتٸن ارنايى شەكتەر اياسىندا انىقتاۋ كٶزدەلٸپ وتىر.
قارجى نارىعىن رەتتەۋ جەنە دامىتۋ اگەنتتٸگٸ جاڭا مٸندەتتٸ ساقتاندىرۋ تٷرلەرٸ اۆتوماتتى تٷردە ەنگٸزٸلمەيتٸنٸن اتاپ ٶتتٸ. ەربٸر باستاما بويىنشا ساقتاندىرۋعا جاتاتىن ازاماتتار سانىن, ساقتاندىرۋ تٶلەمٸنٸڭ كٶلەمٸن, جارنالاردىڭ قولجەتٸمدٸلٸگٸن جەنە جاڭا تەتٸكتٸڭ قاجەتتٸلٸگٸن انىقتاۋ ٷشٸن ارنايى اكتۋارلىق باعالاۋ جٷرگٸزٸلەدٸ.
ەگەر باستاما قابىلدانسا, قازاقستانداعى تۇرعىن ٷي يەلەرٸ ٷشٸن جەر سٸلكٸنٸسٸ, سۋ تاسقىنى جەنە ورمان ٶرتتەرٸ سيياقتى تابيعي اپاتتاردان ساقتاندىرۋ مٸندەتتٸ تالاپتاردىڭ بٸرٸنە اينالۋى مٷمكٸن.
