قازاقستاندا سۋ شارۋاشىلىعى قىزمەتكەرلەرٸنٸڭ جالاقىسى ەكٸ ەسەگە جۋىق ارتتى, دەپ حابارلايدى dalanews.kz.
ەلٸمٸزدە سۋ سالاسىندا ەڭبەك ەتەتٸن مامانداردىڭ جالاقىسى سوڭعى ەكٸ جىلدا ايتارلىقتاي ٶستٸ. 2024 جىلى سالا قىزمەتكەرلەرٸنٸڭ ەڭبەكاقىسى ورتا ەسەپپەن 25%-عا كٶبەيسە, 2025 جىلعى 1 شٸلدەدەن باستاپ تاعى 35-50%-عا كٶتەرٸلدٸ. ال 2026 جىلعى 1 سەۋٸردەن باستاپ جالاقىعا قوسىمشا 15% ٷستەمە قوسىلدى.
نەتيجەسٸندە, قازٸرگٸ تاڭدا «قازسۋشار» رمك قىزمەتكەرلەرٸنٸڭ ورتاشا ايلىق جالاقىسى 326 مىڭ تەڭگەگە جەتتٸ. سونىمەن قاتار, ەڭ تٶمەنگٸ جالاقى كٶلەمٸ 85 مىڭ تەڭگەدەن 212 مىڭ تەڭگەگە دەيٸن ۇلعايدى. وسىلايشا, سۋ شارۋاشىلىعى سالاسى ماماندارىنىڭ تابىسى ەكٸ ەسەگە جۋىق ارتقان.
