قازاقستاندا ستالكينگ جاساعاندار ەندٸ قىلمىستىق جاۋاپقا تارتىلادى, دەپ حابارلايدى Dalanews.kz.
ازاماتتاردىڭ جەكە باس بوستاندىعىن قورعاۋ جٶنٸندەگٸ شارالاردى كٷشەيتۋ ماقساتىندا جەنە «زاڭ مەن تەرتٸپ» تۇجىرىمداماسىن ٸسكە اسىرۋ شەڭبەرٸندە 2025 جىلعى 16 شٸلدەدە مەملەكەت باسشىسى قىلمىستىق كودەكسكە 115-1 - «ستالكينگ» جاڭا بابى ەنگٸزٸلگەن زاڭعا قول قويعان بولاتىن.
ستالكينگ - بۇل اداممەن قارىم-قاتىناس ورناتۋعا جەنە (نەمەسە) ونىڭ ەركٸنە قايشى كەلەتٸن, زورلىق-زومبىلىقپەن ۇشتاسپاعان, ەلەۋلٸ زييان كەلتٸرگەن ەرەكەتتەردٸ بٸلدٸرەتٸن ادامدى زاڭسىز قۋدالاۋ.
وتاندىق زاڭنامادا مۇنداي ەرەكەتتەر ٷشٸن 200 اەك-كە دەيٸن ايىپپۇل, 200 ساعاتقا دەيٸن قوعامدىق جۇمىستار نەمەسە 50 تەۋلٸككە دەيٸن قاماۋعا الۋ تٷرٸندەگٸ قىلمىستىق جاۋاپكەرشٸلٸك العاش رەت كٶزدەلگەن.
ەگەر ستالكينگ زورلىق-زومبىلىق, قورقىتۋ, بوپسالاۋ, جەكە ٶمٸرگە قول سۇعىلماۋشىلىقتى بۇزۋمەن قاتار جٷرسە, ٸس-ەرەكەتتەر قك-نٸڭ باسقا باپتارى بويىنشا قوسىمشا سارالاناتىن بولادى.
ستالكينگ بابى بويىنشا قىلمىستىق قۋدالاۋ ناقتى زييان بولعان كەزدە باستالاتىنىن بٸلۋ ماڭىزدى - مىسالى, جەكە ٶمٸرٸنە قول سۇعىلماۋ, ەركٸن جٷرٸپ تۇرۋ قۇقىقتارىناڭ شەكتەۋلەرٸ نەمەسە پسيحولوگييالىق قىسىم كٶرسەتۋ.
جاۋاپتىلىقتى ەنگٸزۋدٸڭ ماقساتى –قۇربانداردى ەرتە كەزەڭدە قورعاۋ جەنە زورلىق-زومبىلىق پەن اگرەسسيۆتٸ مٸنەز-قۇلىققا مٶلدەم تٶزبەۋشٸلٸك قالىپتاستىرۋ.
ٶز قۇزىرەتٸ شەگٸندە جٷزەگە اسىرىلاتىن قۇقىق قورعاۋ ورگاندارىنىڭ زاڭدى ەرەكەتتەرٸ ستالكينگ بەلگٸلەرٸنە جاتپايتىنىن اتاپ ٶتكەن جٶن.
باس پروكۋراتۋرا ازاماتتاردى ستالكينگتٸڭ كٶرٸنٸستەرٸنە نەمقۇرايلى قاراماۋعا شاقىرادى. مۇنداي جاعداي تۋىنداعان كەزدە دەرەۋ ٸشكٸ ٸستەر ورگاندارىنا حابارلاسۋ قاجەت.
