قازاقستان كٶشٸ-قون ساياساتىن جاڭارتۋعا كٸرٸستٸ. ەندٸ ەل ينۆەستورلار مەن بٸلٸكتٸ مامانداردى, تالانتتاردى تارتۋعا باعىتتالعان جاڭا مودەلگە كٶشپەك. تيٸستٸ جارلىققا قاسىم-جومارت توقاەۆ قول قويدى, دەپ حابارلايدى dalanews.kz.
قۇجات اياسىندا بۇرىنعى كۆوتالىق-رۇقسات بەرۋ جٷيەسٸنەن باس تارتىپ, ىنتالاندىرۋعا نەگٸزدەلگەن تەسٸل ەنگٸزٸلەدٸ. نەگٸزگٸ ماقسات - قازاقستاندى ينۆەستيتسييا مەن ادامي كاپيتالى شوعىرلاناتىن ٶڭٸرلٸك حابقا اينالدىرۋ. ٷكٸمەتكە بارلىق ٶزگەرٸستٸ 2026 جىلدىڭ سوڭىنا دەيٸن تولىق جٷزەگە اسىرۋ تاپسىرىلعان.
ۆيزالىق جٷيە جاڭارادى
رەفورما شەڭبەرٸندە ۆيزالاردىڭ ساناتى قايتا قارالىپ, جاڭا فورماتتار ەنگٸزٸلەدٸ. اتاپ ايتقاندا, ينۆەستورلار مەن ديرەكتورلار كەڭەسٸنٸڭ مٷشەلەرٸنە ارنالعان بيزنەس-ۆيزا, عالىمدار, دەرٸگەرلەر, مەدەنيەت قايراتكەرلەرٸ مەن جەتەكشٸ جوعارى وقۋ ورىندارىنىڭ تٷلەكتەرٸنە ارنالعان بٸلٸكتٸ مامان ۆيزاسى, سونداي-اق ناقتى ينۆەستيتسييالىق جوبالارعا قاتىساتىندار ٷشٸن ۋاقىتشا جۇمىس ۆيزاسى قاراستىرىلعان. رەفورمانىڭ ٶزەگٸ — "التىن ۆيزا". بۇل قۇجات ينۆەستورلار مەن سۇرانىسقا يە ماماندارعا بەرٸلەدٸ. ەسٸرەسە IT سالاسىنىڭ ماماندارى ٷشٸن ونى رەسٸمدەۋ مەرزٸمٸ شامامەن بٸر ايدى قۇراۋى مٷمكٸن. يەلەرٸنە مەملەكەتتٸك قىزمەتتەرگە كەڭەيتٸلگەن قولجەتٸمدٸلٸك بەرٸلەدٸ, بۇل قۇقىقتار ٸس جٷزٸندە ازاماتتاردىڭ مٷمكٸندٸگٸنە جاقىندايدى.
سالىقتىق جەڭٸلدٸكتەر قاراستىرىلعان
"التىن ۆيزا" يەلەرٸ مەن ولاردىڭ وتباسى مٷشەلەرٸنە بٸرقاتار سالىقتىق جەڭٸلدٸكتەر ۇسىنىلادى. اتاپ ايتقاندا, ولار جەكە تابىس سالىعىنان, مٷلٸك جەنە جەر سالىعىنان بوساتىلادى. سونىمەن قاتار مۇنداي رەزيدەنتتەر جالپىعا بٸردەي دەكلاراتسييا تاپسىرۋ مٸندەتٸنەن دە بوساتىلادى. بۇعان قوسا, شەتەلدٸكتەر ٷشٸن تسيفرلىق جەكە كۋەلٸككە بالاما بولاتىن رەزيدەنتتٸڭ تسيفرلىق ID-ٸ ەنگٸزٸلەدٸ.
تسيفرلاندىرۋ مەن e-Residency
شەتەل ازاماتتارىنا ارنالعان بٸرىڭعاي QazETA پلاتفورماسى ٸسكە قوسىلادى. ونىڭ قۇرامىنداعى e-Residency مودۋلٸ ارقىلى ٶتٸنٸشتەردٸ قاشىقتان, «بٸر تەرەزە» قاعيداتىمەن تاپسىرۋعا بولادى. سونداي-اق e-Residency Invest باعدارلاماسى ەنگٸزٸلٸپ, ەلەكتروندى رەزيدەنتتەرگە قازاقستانداعى جەنە استانا حالىقارالىق قارجى ورتالىعى الاڭىنداعى جوبالارعا ينۆەستيتسييا سالۋعا مٷمكٸندٸك بەرٸلەدٸ.
اعىلشىن تٸلٸندەگٸ سەرۆيس پەن جاڭا حابتار
استانا مەن الماتىدا مەملەكەتتٸك جەنە ەلەۋمەتتٸك قىزمەتتەردە اعىلشىن تٸلٸندەگٸ سەرۆيستٸ مٸندەتتٸ تٷردە ەنگٸزۋ جوسپارلانىپ وتىر. بۇل مەديتسينا, بٸلٸم بەرۋ, حالىققا قىزمەت كٶرسەتۋ ورتالىقتارى, پوليتسييا جەنە كوممۋنالدىق قىزمەتتەرگە قاتىستى بولادى. الماتىدا جاساندى ينتەللەكت جوبالارىن دامىتۋعا ارنالعان Almaty AI Hub ٸسكە قوسىلادى.
قارجى ورتالىعىنا ٶزگەرٸس
استانا حالىقارالىق قارجى ورتالىعىندا سالىق رەزيدەنتتٸگٸن الۋ ٷشٸن قاجەتتٸ ەڭ تٶمەنگٸ بولۋ مەرزٸمٸ 90 كٷننەن 30 كٷنگە دەيٸن قىسقارتىلادى. بۇل موبيلدٸ ينۆەستورلار ٷشٸن ەلدٸڭ تارتىمدىلىعىن ارتتىرۋعا باعىتتالعان. ۇلتتىق بانك پەن ٶزگە دە ورگاندارعا جاڭا رەزيدەنتتەر ٷشٸن قولايلى قارجىلىق رەجيم قالىپتاستىرۋ تاپسىرىلعان.
ينۆەستيتسييا ٶسٸمٸ بايقالدى
ايتا كەتەيٸك, 2026 جىلدىڭ بٸرٸنشٸ توقسانىندا قازاقستاندا نەگٸزگٸ كاپيتالعا سالىنعان ينۆەستيتسييالار كٶلەمٸ ارتقانى تٸركەلگەن. جارلىق قول قويىلعان كٷننەن باستاپ كٷشٸنە ەندٸ.
