2026 جىلعى 12 شٸلدەدەن باستاپ كٷشٸنە ەنەتٸن جاساندى ينتەللەكت جەنە تسيفرلىق دامۋ مينيسترلٸگٸنٸڭ №343/نق بۇيرىعىنا سەيكەس, مەملەكەتتٸك قىزمەتكەرلەر, كۆازيمەملەكەتتٸك سەكتور قىزمەتكەرلەرٸ جەنە ماڭىزدى ينفراقۇرىلىم نىساندارىنىڭ يەلەرٸ قىزمەتتٸك مٸندەتتەرٸن اتقارۋ كەزٸندە سەرۆەرلەرٸ قازاقستان اۋماعىندا ورنالاسقان مەسسەندجەرلەر مەن ەلەكتروندىق پوشتا سەرۆيستەرٸن عانا پايدالانۋى تيٸس, دەپ حابارلايدى dalanews.kz.
بۇل تالاپقا سەيكەس, امەريكالىق Meta كومپانيياسىنا تيەسٸلٸ WhatsApp پەن Telegram (سەرۆەرلەرٸ قازاقستاندا ورنالاسپاعان) فورمالدى تٷردە جاڭا تالاپقا ساي كەلمەيدٸ. الايدا قۇجاتتا ۋەكٸلەتتٸ ورگاننىڭ ارنايى شەشٸمٸمەن ٶزگە سەرۆيستەردٸ پايدالانۋعا رۇقسات بەرٸلۋٸ مٷمكٸن ەكەنٸ دە كٶرسەتٸلگەن.
2025 جىلدىڭ قىركٷيەگٸنەن باستاپ مەملەكەتتٸك قىزمەتكەرلەر كەزەڭ-كەزەڭٸمەن سەرۆەرلەرٸ قازاقستاندا ورنالاسقان Aitu ۇلتتىق مەسسەندجەرٸنە كٶشٸرٸلە باستاعان. الايدا پلاتفورمانى ەزٸرلەۋشٸلەر مەملەكەتتٸك ورگانداردىڭ حات-حابارلارعا قول جەتكٸزۋ شارتتارى تۋرالى اقپاراتتى جارييالاماعان.
ساياساتتانۋشى عازيز ەبٸشەۆ بۇعان دەيٸن Aitu-دى ەنگٸزۋگە قاتىستى پٸكٸر بٸلدٸرٸپ, «قاجەت بولعان جاعدايدا جاۋاپتى ورگانداردىڭ قىزمەتتٸك حات-حابارلارعا قول جەتكٸزۋٸ مٷمكٸن» دەگەن ەدٸ.
جاڭا تالاپتاردى ورىنداماعان ۇيىمدار ۇلتتىق قاۋٸپسٸزدٸك كوميتەتٸنٸڭ (ۇقك) جوسپارلى مەجبٷرلٸ تەكسەرۋلەر تٸزٸمٸنە ەنگٸزٸلۋٸ مٷمكٸن.
سونىمەن قاتار قۇجاتقا قاتىستى ساراپتامالىق بولجامدار دا ايتىلىپ جاتىر. ولاردىڭ پٸكٸرٸنشە, العاشقى كەزەڭدە مەملەكەتتٸك قىزمەتكەرلەر رەسمي حات الماسۋ ٷشٸن Aitu-دى پايدالانىپ, بەيرەسمي بايلانىستا WhatsApp-تى قولدانۋدى جالعاستىرۋى ىقتيمال.
سونداي-اق كەيبٸر ساراپشىلار 2026–2027 جىلدارى باقىلاۋ كٷشەيۋٸ مٷمكٸن دەپ بولجايدى. دەگەنمەن بۇل ەزٸرگە رەسمي تٷردە راستالماعان پٸكٸر عانا.
ۇزاق مەرزٸمدٸ پەرسپەكتيۆاعا قاتىستى دا تٷرلٸ بولجامدار ايتىلعان. كەيبٸر ساراپشىلار قازاقستانداعى بۇل ٶزگەرٸستەردٸ رەسەيدٸڭ تەجٸريبەسٸمەن سالىستىرعانىمەن, قازٸرگٸ ۋاقىتتا قازاقستان بيلٸگٸ جەكە تۇلعالارعا WhatsApp نەمەسە Telegram قولدانۋعا تىيىم سالىناتىنى جٶنٸندە ەشقانداي رەسمي مەلٸمدەمە جاساعان جوق.
