1 مامىر - قازاقستان حالقىنىڭ بىرلىگى كۇنى. وسىعان وراي ۇلتتىق ستاتيستيكا بيۋروسى ەلدەگى ەتنوستار سانى تۋرالى مالىمەت جاريالادى، دەپ حابارلايدى Dalanews.kz.
1 ناۋرىزداعى ەسەپ بويىنشا قازاقستان حالقىنىڭ سانى 20 532 240 ادامعا جەتكەن. ونىڭ ىشىندە قازاقتار سانى 14،6 ميلليوننان اسقان. ەلدەگى ەڭ ءىرى ەتنوستار قاتارىندا ورىستار، وزبەكتەر، ۋكرايندار، ۇيعىرلار، نەمىستەر، تاتارلار، ازەربايجاندار، كارىستەر مەن تۇرىكتەر بار:
- قازاقتار - 14 664 202
- ورىستار - 2 943 022
- وزبەكتەر - 695 557
- ۋكرايندار - 367 547 5
- ۇيعىرلار - 309 164 6
- نەمىستەر - 222 890 7
- تاتارلار - 218 361 8
- ازەربايجاندار - 157 568 9
- كارىستەر - 120 821 10
- تۇرىكتەر - 93 234 11
- دۇنگەندەر - 88 165 12
- بەلارۋستار - 73 788 13
- تاجىكتەر - 61 307 14
- كۇردتەر - 52 077 15
- قىرعىزدار - 41 459
ستاتيستيكاعا سۇيەنسەك، قازاقتاردىڭ ەڭ كوبى تۇركىستان وبلىسىندا تۇرادى، وڭىردە 1،6 ميلليوننان اسا قازاق بار. ورىس ۇلتى وكىلدەرى نەگىزىنەن الماتى قالاسىندا شوعىرلانعان، ولاردىڭ سانى 428 مىڭعا جۋىق.
وزبەكتەردىڭ باسىم بولىگى تۇركىستان وبلىسىندا تۇرادى، شامامەن 404 مىڭ ادام. ۋكرايندار قوستاناي وبلىسىندا كوپ تىركەلگەن، وندا 83 مىڭعا جۋىق ۋكراين بار. ال ۇيعىرلاردىڭ نەگىزگى بولىگى الماتى قالاسىندا قونىستانعان، ولاردىڭ سانى 124 مىڭ ادامعا جەتەدى.
