ءماجىلىس دەپۋتاتتارى كونستيتۋسيالىق زاڭعا وزگەرىستەر ەنگىزۋدى كوزدەيتىن جاڭا زاڭ جوباسىن قاراۋعا قابىلدادى، دەپ حابارلايدى Dalanews.kz.
نەگىزگى وزگەرىستەر
دەپۋتات سنەجاننا يماشيەۆانىڭ ايتۋىنشا، زاڭ جوباسىنىڭ باستى ماقساتى – ءبىر ۇمىتكەردىڭ ءماجىلىس دەپۋتاتتىعىنا بىرنەشە سايلاۋ وكرۋگىنەن قاتار تۇسۋىنە تىيىم سالۋ. سونىمەن بىرگە، ماسليحات پەن ءماجىلىس سايلاۋىنا ءبىر مەزگىلدە قاتىسۋعا شەكتەۋ قويىلادى.
زاڭ جوباسى اكيمدەرگە كانديداتتار ءۇشىن سايلاۋ قورىنىڭ قۇرىلۋىن قاراستىرادى. سونىمەن قاتار پرەزيدەنت، دەپۋتات، اكىم جانە ورتالىق سايلاۋ كوميسسياسى مۇشەلەرىنە قويىلاتىن تالاپتار كۇشەيتىلەدى – ولاردىڭ اۋىر قىلمىس ءۇشىن سوتتالعانى بولماۋى ءتيىس.
قوسىمشا تۇزەتۋلەر
"قوسا ۇسىنىلعان زاڭ جوباسى سايلاۋ وتكىزۋ ءراسىمىن جەتىلدىرۋگە جانە نورمالاردى ساقتاماعانى ءۇشىن اكىمشىلىك جاۋاپكەرشىلىكتى ەنگىزۋگە باعىتتالعان. كوميتەت قۇجاتتى جۇمىسقا قابىلداۋعا دايىن. قولداۋلارىڭىزدى سۇرايمىن"، – دەدى سنەجاننا يماشيەۆا ءماجىلىستىڭ پلەنارلىق وتىرىسىندا.
الداعى قادامدار
دەپۋتاتتار زاڭ جوباسىن جۇمىسقا قابىلداۋدى قولدادى. ەندى زاڭنامالىق جانە سوت-قۇقىقتىق رەفورما كوميتەتى (ءتورايىمى – يماشيەۆا) وسى بويىنشا قورىتىندى دايىندايدى.
