قازاقستاندا ٶندٸرٸلگەن ماقتانىڭ باسىم بٶلٸگٸ سىرتقا ەكسپورتتالادى
تٷركٸستان ماقتا زاۋىتىنىڭ ديرەكتورى مارات مولدىمانوۆ ەلٸمٸزدەگٸ ماقتا ٶڭدەۋ ٸسٸمەن ايلانىساتىن كەسٸپورىنداردى قاجەتتٸ شيكٸزاتپەن قامتاماسىز ەتۋ مەسەلەسٸ تٷبەگەيلٸ شەشەمٸن تاپپاعانىن العا تارتتى.
– جاسىراتىنى جوق, بٸزدە شيكٸزاتپەن قامتۋ مەسەلەسٸ تولىق شەشٸلگەن ەمەس. ايتالىق بٸزدٸڭ زاۋىت بٸر جىل بويى ٷزدٸكسٸز جۇمىس ٸستەۋٸ ٷشٸن 3-4 مىڭ توننا ماقتا كەرەك. شيكٸزاتتى شيتٸنەن تازارتىپ, جۋىپ, تازالعاننان كەيٸن 800 توننا ماقتا تالشىعى قالادى. مۇنشاما كٶلەمدەگٸ ماقتانى دەل كٷزدە ساتىپ الىپ قوياتىنداي قارجىلىق رەسۋرسىمىز جوق. بۇل ٷشٸن 1,5 ملن دوللارداي قارجى قاجەت. نەگٸزٸنەن, قاجەتتٸ شيكٸزاتتى كٷزگٸ جيىن-تەرٸن كەزٸندە ساتىپ العان قولايلى. قارجىلىق رەسۋرسىمىز جەتكٸلٸكتٸ دەڭگەيدە بولماعاندىقتان, ٶنٸم شىعارۋعا قاجەتتٸ شيكٸزاتتى بٸرتٸندەپ ساتىپ الۋعا مەجبٷرمٸز. مۇنداي جاعدايدا ماقتا باعاسى دا الا-قۇلا بولاتىنى جاسىرىن ەمەس. قازاقستاندا ٶسٸرٸلگەن ماقتانىڭ كٶپشٸلٸگٸ سىرت ەلدەرگە ەكسپورتتالاتىنىن ٶزٸڭٸز دە بٸلەسٸز, – كٶكەيدە جٷرگەن ويىن ورتاعا سالدى.
كٶرشٸلەس ٶزبەكستاندا شارۋانىڭ 30 گەكتار جەرٸ بولسا, ول ونىڭ 15 گەكتارىنا ماقتا, قالعان جەرٸنە ٶزگە كٶكٶنٸس پەن داقىلداردى ەگۋدٸ بيلٸك ورىندارى مٸندەتتەيدٸ ەكەن. وسىلايشا, ٶزبەكستان بيلٸگٸ شارۋالاردان جەردٸ پايدالانباي بوس تاستاۋىنا جول بەرمەيدٸ. سوندىقتان قاراپايىم شارۋالار ٶزدەرٸنە تيٸستٸ جەردٸڭ بەرٸن يگەرەدٸ.
ال كٷزگٸ جيىن-تەرٸن كەزٸندە جەرگٸلٸكتٸ بيلٸك ورىندارى ارنايى كومبايندارمەن كەلٸپ ماقتانى جيناپ الىپ, ٶزدەرٸ بەلگٸلەگەن باعامەن (ول ەلەمدٸك نارىقتاعى باعامەن سەيكەسپەۋٸ مٷمكٸن) ساتىپ الىپ, سىرت ەلدەرگە ەكسپورتتايدى ەكەن.
مۇنداي جاعدايدا قازاقستاندىق شارۋالاردىڭ ٶزبەكستانمەن بەسەكەلەسۋٸ قيىنعا تٷسەتٸنٸن بايقاعان شىعارسىز. بٸزدٸڭشە, سىرتتان كەلەتٸن مەديتسينالىق ماقتاعا بٸرشاما شەكتەۋلەر ەنگٸزۋ كەرەك. بۇل وتاندىق ٶندٸرٸستٸڭ اياققا تۇرۋى ٷشٸن اسا قاجەت شارا دەپ ەسەپتەيمٸن.
Dalanews.kz
