قازاقستاندا ابونەنتتىك ءنومىردى ءبىر ۇيالى بايلانىس وپەراتورىنان ەكىنشىسىنە اۋىستىرۋ ءتارتىبى قايتا قارالۋى مۇمكىن. سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى ءتيىستى بۇيرىق جوباسىن قوعامدىق تالقىلاۋعا ۇسىندى، دەپ حابارلايدى Dalanews.kz.
جوباعا سايكەس، ەگەر SIM-كارتا العاش رەت ىسكە قوسىلعانىنا 60 كۇن تولماسا، "دونور" وپەراتور ءنومىردى كوشىرۋگە رۇقسات بەرمەۋى مۇمكىن. سونىمەن قاتار وپەراتورلاردىڭ سۇرانىسقا جاۋاپ بەرۋ مەرزىمىن ناقتىلاۋ ۇسىنىلعان. ول 10 مينۋتتان اسپاۋعا ءتيىس.
مينيسترلىك بۇل تۇزەتۋلەردىڭ ماقساتى قىزمەتتى تەرىس پايدالانۋدىڭ الدىن الۋ جانە ءنومىردى اۋىستىرۋ كەزىندە ابونەنت ءۇشىن بايلانىستىڭ ءۇزىلۋ ۋاقىتىن بارىنشا قىسقارتۋ ەكەنىن اتاپ ءوتتى.
قۇجات قوعامدىق تالقىلاۋعا شىعارىلدى. تالقىلاۋ 6 ناۋرىزعا دەيىن جالعاسادى.
