قازاقستاننىڭ ەنەرگەتيكا مينيسترلىگى رەسپۋبليكادا گيدروەلەكتر ستانسيالارىن سالۋ قۇقىعىنا اۋكسيون وتكىزدى، دەپ حابارلايدى Dalanews.kz.
ەنەرگەتيكا مينيسترلىگىنىڭ باسپا ءسوز قىزمەتىنىڭ مالىمدەۋىنشە، اۋكسيوندىق ساۋدا-ساتتىققا قاتىسۋعا 9 كومپانيا جىبەرىلدى. ساۋدا-ساتتىق سەسسياسى بارىسىندا قاتىسۋشىلار 10 باعا ۇسىنىسىن بەردى. اۋكسيونعا قاتىسۋشىلاردان تۇسكەن وتىنىمدەردىڭ جالپى كولەمى 220.9 مۆت قۇرادى.
2024 جىلى سۋ ەلەكتر ستانسيالارىنىڭ جوبالارىن تاڭداۋ بويىنشا اۋكسيوننىڭ ەڭ جوعارى باعاسى 41،23 تەڭگە/كۆتساع (ققس-سىز) بولدى. وتىنىمدەردىڭ باعا دياپازونى 41،23 تەڭگەدەن 37 تەڭگە/كۆتساع (ققس-سىز) دەيىن تومەندەدى.
اۋكسيونداردى ۇيىمداستىرۋ جانە وتكىزۋ قاعيدالارىنىڭ 55-تارماعىنا سايكەس بەلگىلەنگەن قۋات كولەمى 200-دەن 220،9 مۆت-قا دەيىن ۇلعايتىلدى.
اۋكسيون قورىتىندىسى بويىنشا كەلەسى 10 كومپانيا جەڭىمپاز دەپ تانىلدى:
"قورا گەس-2" ج ش س، جوبانىڭ بەلگىلەنگەن قۋاتى 18.5 مۆت، اۋكسيونداعى باعاسى 37 تەڭگە/كۆتساع (ققس-سىز)؛
"Standard Hydropower" ج ش س، جوبانىڭ بەلگىلەنگەن قۋاتى 18.2 مۆت، اۋكسيونداعى باعاسى 37.01 تەڭگە/كۆتساع (ققس-سىز)؛
"ADM Energy" ج ش س، جوبانىڭ بەلگىلەنگەن قۋاتى 12 مۆت، اۋكسيونداعى باعاسى 37.05 تەڭگە/كۆتساع (ققس-سىز)؛
"ەسكەلدى گەس" ج ش س، جوبانىڭ بەلگىلەنگەن قۋاتى 23.2 مۆت، اۋكسيونداعى باعاسى 37.3 تەڭگە/كۆتساع (ققس-سىز)؛
"قالجىرگيدرو" ج ش س، جوبانىڭ بەلگىلەنگەن قۋاتى 19 مۆت، اۋكسيونداعى باعاسى 37.35 تەڭگە/كۆتساع (ققس-سىز)؛
"جارىق ەنەرگو" ۇلتتىق ەنەرگەتيكالىق كومپانياسى” ج ش س، جوبانىڭ بەلگىلەنگەن قۋاتى 10.5 مۆت، اۋكسيونداعى باعاسى 37.4 تەڭگە/كۆتساع (ققس-سىز)؛
"قورا گەس-2" ج ش س، جوبانىڭ بەلگىلەنگەن قۋاتى 26 مۆت، اۋكسيونداعى باعاسى 37.49 تەڭگە/كۆتساع (ققس-سىز)؛
"گەس بوروحۋدزير" ج ش س" ج ش س، جوبانىڭ بەلگىلەنگەن قۋاتى 10،5 مۆت، اۋكسيونداعى باعاسى 37.8 تەڭگە/كۆتساع (ققس-سىز)؛
"Baskan Irrigation" ج ش س، جوبانىڭ بەلگىلەنگەن قۋاتى 30 مۆت، اۋكسيونداعى باعاسى 37.99 تەڭگە/كۆتساع (ققس-سىز)؛
"KOKSU HYDRO" ج ش س مەن "Qamqor Energy" ج ش س اراسىنداعى كونسورسيۋم، جوبانىڭ بەلگىلەنگەن قۋاتى 53 مۆت، اۋكسيونداعى باعاسى 41.21 تەڭگە/كۆتساع (ققس-سىز).
باقىلاۋشىلار رەتىندە ق ر ەنەرگەتيكا مينيسترلىگى، USAID جانە "KOREM" اق وكىلدەرى قاتىستى.
قازاقستان رەسپۋبليكاسى ءبىرىڭعاي ەلەكتر ەنەرگەتيكالىق جۇيەسىنىڭ بارلىق اۋماعىندا (تەنتەك وزەنىنەن باسقا) جالپى بەلگىلەنگەن قۋاتى 100 مۆت سۋ ەلەكتر ستانسيالارىن سالۋ جوبالارىن ىرىكتەۋ بويىنشا كەلەسى اۋكسيون 2024 جىلدىڭ 12 قاراشاسىندا وتەدى.
