قازاقستاندا جاڭا باپ بويىنشا 7 قىلمىستىق ٸس قوزعالدى, دەپ حابارلايدى Dalanews.kz.
ازاماتتاردىڭ كيبەرورتاداعى قاۋٸپسٸزدٸگٸن قامتاماسىز ەتۋ جەنە اقشا قاراجاتىنىڭ زاڭسىز اينالىم ارنالارىن توقتاتۋ ماقساتىندا «دروپپەرلٸك» – ياعني, ٶزٸنٸڭ بانكتٸك كارتالارىن, شوتتارىن جەنە ٶزگە دە تٶلەم قۇرالدارىن سىياقى ٷشٸن ٷشٸنشٸ تۇلعالارعا بەرۋ ٷشٸن قىلمىستىق جاۋاپتىلىق ەنگٸزٸلدٸ (جاڭا قك-نٸڭ 232-1-بابى 2025 جىلدىڭ 16 قىركٷيەگٸنەن باستاپ كٷشٸنە ەنگٸزٸلدٸ).
زاڭ كٷشٸنە ەنگەن ۋاقىتتان باستاپ (16.09.2025ج. باستاپ) ەلدە اتالعان باپ بويىنشا 7 قىلمىستىق ٸس تٸركەلگەن.
مىسالى, استانا قالاسىندا الاياققا قازاقستان رەسپۋبليكاسىنىڭ ازاماتىنان ۇرلانعان اقشا قاراجاتىن اۋدارۋ ٷشٸن ٶزٸنٸڭ بانكتٸك شوتىنىڭ دەرەكتەمەلەرٸن بەرگەن ون جەتٸ جاسار جاسٶسپٸرٸمگە قاتىستى تەرگەۋ باستالدى.
الاياقتار ۋەدە ەتكەن سىياقى ٷشٸن ول ەندٸ جەتٸ جىلعا دەيٸن باس بوستاندىعىنان ايىرىلۋ مٷمكٸن.
وسىنداي كەرٸ ەسەر ٶزدەرٸنٸڭ بانكتٸك شوتتارىن, سونىڭ ٸشٸندە ٶزگە ەلدەن ولاردى قىلمىستىق سحەمالاردا پايدالانۋ ٷشٸن ۇسىناتىن شەت ەل ازاماتتارىنا دا قولدانىلادى.
دەگەنمەن, قىلمىستىق كودەكستٸڭ 232-1-بابىنا ەسكەرتپەگە سەيكەس, قۇقىققا قايشى سحەماعا تارتىلعان, بٸراق بۇل تۋرالى ۋەكٸلەتتٸ ورگاندارعا ٶز ەركٸمەن حابارلاعان جەنە قىلمىستى اشۋعا بەلسەندٸ ىقپال ەتكەن ادام قىلمىستىق جاۋاپتىلىقتان بوساتىلادى.
ەگەر سٸز بۇرىن شوتتارىڭىزدى ٷشٸنشٸ تۇلعالارعا بەرگەن بولساڭىز, قۇقىققا قارسى سحەمالارعا ىقتيمال تارتۋدى بولدىرماۋ ٷشٸن دەرەۋ بانك بٶلٸمشەسٸنە حابارلاسىڭىز نەمەسە ونلاين-بانكينگ ارقىلى كارتانى ٶز بەتٸڭٸزشە بۇعاتتاڭىز.
