قازاقستانداعى ەنەرگييا ٶندٸرۋشٸ ۇيىمداردىڭ قاجەتتٸلٸكتەرٸنە ارنالعان كٶمٸردٸڭ كٶتەرمە ساتۋ نارىعى ٸس جٷزٸندە مونوپولييالىق سيپاتقا يە, مۇندا نەگٸزگٸ ٶندٸرۋشٸ – "بوگاتىر كٶمٸر" جشس نارىقتىڭ 70%-دان استامىن يەلەنەدٸ. بۇل تۋرالى بەسەكەلەستٸكتٸ قورعاۋ جەنە دامىتۋ اگەنتتٸگٸ حابارلادى, دەپ جازادى Dalanews.kz.
سوڭعى بەس جىل ٸشٸندە "بوگاتىر كٶمٸر" جشس كٶمٸر قۇنىن بٸرنەشە رەت كٶتەردٸ, جىل سايىنعى ٶسٸم 5%-دان 21,5%-عا دەيٸن جەتتٸ. 2023 جىلى مونوپولييالىق جوعارى باعا بەلگٸلەگەن بەلگٸلەرٸنە بايلانىستى كومپانيياعا قاتىستى تەرگەۋ تاعايىندالدى, الايدا بۇل شەشٸم داۋ تۋعىزدى.ەكٸ جىلدان استام ۋاقىتتان كەيٸن, 2025 جىلدىڭ 10-شى ماۋسىمىندا جوعارعى سوت تەرگەپ-تەكسەرۋدٸ باستاۋ تۋرالى بۇيرىقتىڭ زاڭدىلىعىن راستادى.
سونىمەن قاتار, ەنەرگەتيكالىق كٶمٸردٸڭ قۇنى ەنەرگييا ٶندٸرۋشٸ ۇيىمداردىڭ شىعىندارىنىڭ 60%-عا دەيٸنگٸ بٶلٸگٸن قۇراپ, ەلەكتر ەنەرگيياسىنىڭ تاريفتەرٸنە ەلەۋلٸ ىقپال ەتەدٸ.
"كٶمٸر باعاسىنىڭ ٶسۋٸ ازىق-تٷلٸك تاۋارلارى مەن كوممۋنالدىق قىزمەتتەردٸڭ ٶزٸندٸك قۇنىنا مۋلتيپليكاتيۆتٸ ەسەرٸن تيگٸزەدٸ, بۇل سالالاردا نارىق از مونوپولييالانعان جەنە باعانى مەملەكەتتٸك رەتتەۋ شارالارى قولدانىلادى. الايدا ەلەكتر جەنە جىلۋ ەنەرگيياسىن جەتكٸزۋ تٸزبەگٸنٸڭ بارلىق كەزەڭٸندە – ٶندٸرۋ, تاسىمالداۋ, جابدىقتاۋ – مەملەكەتتٸك باعا رەتتەۋ تەتٸگٸ جۇمىس ٸستەيدٸ, ال ەنەرگەتيكالىق كٶمٸرگە ول قولدانىلمايدى. بۇل جىل ٸشٸندە باعانىڭ كٷرت ٶزگەرۋٸنە ەكەلٸپ, ەنەرگييا ٶندٸرۋشٸ ۇيىمداردا كاسسالىق الشاقتىق تۋدىرادى. وسىعان بايلانىستى بەسەكەلەستٸكتٸ قورعاۋ جەنە دامىتۋ اگەنتتٸگٸ ەنەرگەتيكالىق كٶمٸرگە باعانى مەملەكەتتٸك رەتتەۋدٸ ەنگٸزۋ باستاماسىن كٶتەردٸ", دەلٸنگەن اگەنتتٸك حابارلاماسىندا.
اتالعان نورما قازٸرگٸ ۋاقىتتا پارلامەنت قاراۋىندا جاتقان التىنشى انتيمونوپولييالىق تٷزەتۋلەر پاكەتٸنە ەنگٸزٸلگەن.
