22 قىركٷيەكتەن باستاپ قازاقستاندا جانارماي اكتسيزٸن ەسەپتەۋدٸڭ جاڭا تەرتٸبٸ كٷشٸنە ەنەدٸ. ساراپشىلار بۇل ٶزگەرٸس بەنزين مەن ديزەل وتىنىنىڭ باعاسىنا ەسەر ەتۋٸ مٷمكٸن ەكەنٸن ەسكەرتتٸ, دەپ حابارلايدى dalanews.kz.
نەحابار مەلٸمەتٸنشە, جاڭا فورمۋلاعا سەيكەس, اكتسيزدٸ ەسەپتەۋ كەزٸندە قولدانىلاتىن كوەففيتسيەنت 50 پايىزدان 95 پايىزعا دەيٸن كٶتەرٸلەدٸ. قوسىمشا سالىق كٶتەرمە باعا بەلگٸلەنگەن شەكتەن اسقان جاعدايدا الىنادى.
بەنزين ٷشٸن شەكتٸ باعا تونناسىنا 214 584 تەڭگە, ال ديزەل وتىنى ٷشٸن 284 350 تەڭگە بولىپ بەكٸتٸلگەن. ەگەر كٶتەرمە قۇن وسى مٶلشەردەن جوعارىلاسا, ايىرماعا قوسىمشا اكتسيز سالىنادى.
PetroMining قاۋىمداستىعىنىڭ مەلٸمەتٸنشە, سالاداعى سالىق جٷكتەمەسٸ قازٸردٸڭ ٶزٸندە 70 پايىزعا جەتكەن. قاۋىمداستىق ٶكٸلدەرٸ كوەففيتسيەنتتٸڭ كٶتەرٸلۋٸ كەسٸپكەرلەردٸڭ شىعىنىن ارتتىرىپ, جانارماي ساۋداسىن تيٸمسٸز ەتۋٸ ىقتيمال ەكەنٸن ايتادى.
ساراپشىلار قوسىمشا شىعىننىڭ بٸر بٶلٸگٸ بٶلشەك ساۋدا باعاسىنا قوسىلۋى مٷمكٸن دەپ بولجايدى. سونىڭ سالدارىنان بەنزين مەن ديزەل وتىنى قىمباتتاۋى ىقتيمال.
