22 qyrkúiekten bastap Qazaqstanda janarmai aktsizin esepteýdiń jańa tártibi kúshine enedi. Sarapshylar bul ózgeris benzin men dizel otynynyń baǵasyna áser etýi múmkin ekenin eskertti, dep habarlaidy dalanews.kz.
NEhabar málimetinshe, jańa formýlaǵa sáikes, aktsizdi esepteý kezinde qoldanylatyn koeffitsient 50 paiyzdan 95 paiyzǵa deiin kóteriledi. Qosymsha salyq kóterme baǵa belgilengen shekten asqan jaǵdaida alynady.
Benzin úshin shekti baǵa tonnasyna 214 584 teńge, al dizel otyny úshin 284 350 teńge bolyp bekitilgen. Eger kóterme qun osy mólsherden joǵarylasa, aiyrmaǵa qosymsha aktsiz salynady.
PetroMining qaýymdastyǵynyń málimetinshe, saladaǵy salyq júktemesi qazirdiń ózinde 70 paiyzǵa jetken. Qaýymdastyq ókilderi koeffitsienttiń kóterilýi kásipkerlerdiń shyǵynyn arttyryp, janarmai saýdasyn tiimsiz etýi yqtimal ekenin aitady.
Sarapshylar qosymsha shyǵynnyń bir bóligi bólshek saýda baǵasyna qosylýy múmkin dep boljaidy. Sonyń saldarynan benzin men dizel otyny qymbattaýy yqtimal.
