وقۋ-اعارتۋ مينيسترلٸگٸ وقۋشىلارعا قاتىستى الاياقتىقتىڭ جاڭا تەسٸلٸ پايدا بولعانىن مەلٸمدەدٸ, دەپ حابارلايدى Dalanews.kz.
مينيسترلٸك مەلٸمەتٸنشە, جاڭا وقۋ جىلى باستالعالى بەرٸ الاياقتار بالالارعا قوڭىراۋ شالىپ, ٶزٸن مۇعالٸممٸن دەپ تانىستىرىپ جاتىر.
"ەلەكترون كٷندەلٸكتٸ جاڭارتۋ" دەگەن سىلتاۋمەن ولار SMS ارقىلى كەلگەن بٸر رەتتٸك قۇپييا كودتى سۇرايدى. بالا ونى اتا-اناسىنا نەمەسە مەكتەبٸنە كٶمەكتەسٸپ جاتىرمىن دەپ ويلاۋى مٷمكٸن. ٸس جٷزٸندە الاياقتار وسى كودتى پايدالانىپ, "ەلەكترون ٷكٸمەت" جٷيەسٸنە, ونلاين بانكينگكە نەمەسە تۋىستارىنىڭ بانك شوتتارىنا قول جەتكٸزەدٸ", - دەپ جازىلعان حابارلامادا.
بالامەن ەڭگٸمەلەسكەندە ەرەكشە مەن بەرەتٸن جايتتار:
- قانداي جاعدايدا دا SMS ارقىلى كەلگەن كودتى ەشكٸمگە بەرمەۋ;
- قوڭىراۋ شالعان ادام ٶزٸن مۇعالٸم نەمەسە مەكتەپ قىزمەتكەرٸمٸن دەسە دە, بٸردەن اتا-اناسىنا حابارلاسۋ;
- كٷدٸكتٸ سٸلتەمەلەرگە ٶتپەۋ, بەيتانىس قوسىمشالاردى جٷكتەمەۋ.
"كٷدٸكتٸ ەرەكەتتەر بايقالعان جاعدايدا قۇقىق قورعاۋ ورگاندارىنا نەمەسە 111 بايلانىس ورتالىعىنا حابارلاسۋعا بولادى", - دەپ جازىلعان حابارلامادا.
