قازاقستان پرەزيدەنتٸ قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىن قورىتىندىلاي كەلە, العا قويىلعان مٸندەتتەردٸ ورىنداۋ ٷشٸن مەملەكەتتٸك اپپارات تيٸمدٸ جۇمىس اتقارۋى قاجەت ەكەنٸن اتاپ ٶتتٸ, دەپ حابارلايدى Dalanews.kz.
“ەكٸمدەردٸ تٸكەلەي سايلاۋدىڭ نەتيجەسٸندە مەملەكەتتٸك قىزمەتشٸلەردٸڭ جاڭا ساناتى – سايلاناتىن باسشىلار پايدا بولدى. بۇل – ەكٸ جارىم مىڭنان استام باسشى لاۋازىمىنداعى قىزمەتكەر دەگەن سٶز. ولاردىڭ اراسىندا بۇرىن مەملەكەتتٸك قىزمەتتە جۇمىس ٸستەمەگەن ازاماتتار, سونىڭ ٸشٸندە جاستار كٶپ. سول سەبەپتٸ سايلانعان ەكٸمدەر مەن تٷرلٸ دەڭگەيدەگٸ باسشىلاردى كەشەندٸ دايىندىقتان ٶتكٸزۋ مەسەلەسٸ ٶتە ٶزەكتٸ بولىپ تۇر. ٷكٸمەتكە مەملەكەتتٸك قىزمەت ٸستەرٸ اگەنتتٸگٸمەن بٸرلەسٸپ, "ەكٸمدەر مەكتەبٸ" وقىتۋ جوباسىن ٸسكە قوسۋدى تاپسىرامىن. بۇل رەتتە وسىنداي جۇمىستى جٷرگٸزٸپ جاتقان "اmanat" پارتيياسىنىڭ تەجٸريبەسٸن ەسكەرگەن جٶن”, - دەدٸ پرەزيدەنت.
مەملەكەت باسشىسىنىڭ ايتۋىنشا, مەملەكەتتٸك اپپاراتتىڭ باستى مٸندەتٸ – ازاماتتاردى تولعاندىراتىن ٶزەكتٸ مەسەلەلەردٸ شەشۋ.
“ول ٷشٸن, ەڭ الدىمەن, ازاماتتارمەن ۇدايى بايلانىستا بولۋ كەرەك. ونسىز بولمايدى. سوندىقتان حالىقتان كەلٸپ تٷسەتٸن ٶتٸنٸشتەرگە ايرىقشا نازار اۋدارۋ قاجەت. بىلتىردىڭ ٶزٸندە پرەزيدەنت ەكٸمشٸلٸگٸنە 50 مىڭنان استام ٶتٸنٸش كەلٸپ تٷسكەن, ال ەلٸمٸزدەگٸ بارلىق مەملەكەتتٸك ورگاندارعا شامامەن 4 ميلليون ٶتٸنٸش جولدانعان. بۇل كٶرسەتكٸش جىلدان جىلعا كٶبەيۋدە.
بٸر جاعىنان, بۇل جۇرتتىڭ "حالىق ٷنٸنە قۇلاق اساتىن مەملەكەت" تۇجىرىمداماسىنا سەنەتٸنٸن كٶرسەتەدٸ. الايدا, سونىمەن بٸرگە, بۇل ولاردىڭ ٶتٸنٸشتەرٸ مەن مەسەلەلەرٸ مەملەكەتتٸك ورگانداردىڭ كٷندەلٸكتٸ جۇمىسى بارىسىندا شەشٸمٸن تاپپاي جاتقانىن اڭعارتادى. سوندىقتان ولقىلىقتار مەن كەمشٸلٸكتەردٸ جويۋ ٷشٸن تيياناقتى جۇمىس جٷرگٸزۋ قاجەت. ەدەتتە ازاماتتاردىڭ ٶتٸنٸشتەرٸنٸڭ ارتىندا ادام تاعدىرى تۇرادى, سوندىقتان, بۇل جەردە بارلىق قۇزىرلى ورگاندار جۇمىلا جۇمىس ٸستەۋگە تيٸس”, - دەپ اتاپ ٶتتٸ ول.
