قازاقستاندا «ادىلەت» اتتى جاڭا ساياسي پارتيا قۇرۋعا قۇجاتتار تاپسىرىلدى، دەپ حابارلايدى Dala News.
بۇل تۋرالى باستاماشىل توپ مۇشەسى، ساياساتتانۋشى مارات شيبۋتوۆ مالىمدەدى.
ونىڭ ايتۋىنشا، ادىلەت مينيسترلىگى پارتيا قۇرۋ تۋرالى نيەتكە قاتىستى قۇجاتتاردىڭ قابىلدانعانىن رەسمي تۇردە راستاعان.
حابارلاماعا سايكەس، قۇجاتتار 2026 جىلعى 16 ساۋىردە تاپسىرىلعان جانە ولار «ساياسي پارتيالار تۋرالى» زاڭ تالاپتارىنا سايكەس تىركەلگەن.
ەسكە سالايىق، «ادىلەت» پارتياسىن قۇرۋ تۋرالى باستاما 15 ساۋىردە جاريالانعان بولاتىن.
پارتيانىڭ نەگىزگى ماقساتتارى:
- ازاماتتاردىڭ قۇقىقتارى مەن بوستاندىقتارىن قورعاۋ؛
- «ادىلەتتى قازاقستان» قاعيداتتارىن ىلگەرىلەتۋ؛
- جاڭا كونستيتۋسيا نەگىزىندە قوعامدىق مۇددەنى قورعاۋ.
باستاماشىل توپ قۇرامىنا ءبىرقاتار تانىمال تۇلعالار كىرگەن.
اتاپ ايتقاندا:
- كاسىپكەر اندرەي لاۆرەنتيەۆ؛
- استانا حالىقارالىق قارجى ورتالىعىنىڭ باسقارۋشىسى رەنات بەكتۋروۆ؛
- «ءادىل ءسوز» قورىنىڭ پرەزيدەنتى كارلىگاش دجامانكۋلوۆا؛
- بالا قۇقىقتارى جونىندەگى ۋاكىل دينارا زاكييەۆا؛
- سونداي-اق ساياساتتانۋشى مارات شيبۋتوۆ جانە وزگە دە تۇلعالار بار.
ايتا كەتەيىك، بۇل ازىرگە پارتيانى تىركەۋ ءراسىمىنىڭ العاشقى كەزەڭى بولىپ تابىلادى.
