پرەزيدەنت قاسىم-جومارت توقايەۆ ادام قۇقىقتارى جونىندەگى ۋاكىل ارتۋر لاستايەۆتى قابىلدادى، دەپ حابارلايدى Dalanews.kz.
اقوردا حابارلاعانداي، ارتۋر لاستايەۆ قاسىم-جومارت توقايەۆقا اۋماقتىق وكىلدەردىڭ تولىقتاي ىسكە كىرىسكەنى جايىندا مالىمەت بەردى. ونىڭ ايتۋىنشا، بىلتىر ومبۋدسمەننىڭ اتىنا 5 مىڭنان استام ءوتىنىش تۇسكەن. بۇل 2022 جىلعى كورسەتكىشپەن سالىستىرعاندا 1،5 ەسە كوپ.
سونىمەن قاتار مەملەكەت باسشىسىنا ۇلتتىق پريەۆەنتيۆتى مەحانيزمنىڭ جۇمىسى، زاڭنامانى جەتىلدىرۋ، حالىقارالىق ىنتىماقتاستىقتى، قۇقىق قورعاۋ ۇيىمدارىمەن جانە ازاماتتىق قوعاممەن ءوزارا ىقپالداستىقتى جانداندىرۋ ماسەلەلەرى تۋرالى باياندالدى. اتاپ ايتقاندا، ازاپتاۋلاردىڭ الدىن الۋ ءۇشىن وقشاۋلاۋ مەكەمەلەرىندە مىڭنان استام كەزدەسۋ وتكىزىلگەن، ازاماتتاردىڭ قۇقىقتارىن قالپىنا كەلتىرۋ بويىنشا 3،5 مىڭنان اسا ۇسىنىم بەرىلگەن، 275 لاۋازىمدى تۇلعا جاۋاپكەرشىلىككە تارتىلعان. ناتيجەسىندە 900-دەن استام ادامنىڭ قۇقىعى قورعالدى.
بۇدان بولەك، ادام قۇقىقتارى جونىندەگى ۋاكىل پرەزيدەنتتىڭ تۇرمىستىق زورلىق-زومبىلىقتىڭ الدىن الۋ جونىندەگى تاپسىرماسىن ورىنداۋ ماقساتىندا قابىلدانعان شارالار تۋرالى ايتتى. قۇقىق قورعاۋ ينستيتۋتى تۇرمىستىق زورلىق-زومبىلىققا قارسى ءىس-قيمىل تۋرالى ارنايى بايانداما ازىرلەپ جاتىر.
قاسىم-جومارت توقايەۆ ادام قۇقىعىن قورعاۋعا كەپىلدىك بەرۋ ءىسىن ودان ءارى كۇشەيتۋ قاجەت ەكەنىنە نازار اۋداردى.
