2025 جىلى قازاقستاندا جول-كولىك وقيعالارىنىڭ سانى ايتارلىقتاي ءوستى. ساراپشىلاردىڭ مالىمەتىنشە، ءبىر جىل ىشىندە ەلدە 140 مىڭعا جۋىق جول اپاتى بولعان. بۇل 2024 جىلمەن سالىستىرعاندا شامامەن 10 مىڭعا كوپ، دەپ حابارلايدى Dalanews.kz.
رەسمي دەرەككە سايكەس، ونىڭ ىشىندە 36 146 جكو تىركەلگەن، ياعني ءوسىم 14،4%-دى قۇراعان. جول اپاتتارى سالدارىنان 51 مىڭنان استام ادام زارداپ شەككەن.
ساراپشىلار اپات سانىنىڭ ارتۋىن اۆتوكولىك سانىنىڭ كوبەيۋىمەن بايلانىستىرادى. ءقازىر قازاقستاندا تىركەلگەن كولىك سانى 5،8 ملن-عا جەتكەن.
جالپى العاندا، ەسەپ بويىنشا ەلدە ءاربىر 20-شى كولىك جىلىنا كەمىندە ءبىر رەت جول اپاتىنا ۇشىرايدى.
