2025 جىلعى 25 شىلدەدەگى جاعداي بويىنشا اۋىل شارۋاشىلىعى جانۋارلارىن 2025–2026 جىلعى قىستا قورادا ۇستاۋ كەزەڭىنە دايىنداۋ ماقساتىندا 13،8 ملن توننا ءشوپ دايىندالدى. بۇل جوسپارلانعان كولەمنىڭ 53،8%-ىن قۇرايدى. سونىمەن قاتار، 1 ملن توننادان استام سۇرلەم دايىندالىپ، بۇل جوسپاردىڭ 59،9%-ىنا جەتتى، دەپ حابارلايدى Dalanews.kz.

رەسپۋبليكالىق جوسپارعا سايكەس، الداعى قىسقى-قورا ماۋسىمىنا 24،5 ملن توننا ءشوپ، 1،7 ملن توننا سۇرلەم، 4،6 ملن توننا سابان، 5،5 ملن توننا قۇراما جەم جانە 2 ملن توننا سيلوس دايىنداۋ قاجەت.

"2025 جىلى مال ازىعىنا ارنالعان داقىلدار ەگىلگەن القاپتىڭ جالپى كولەمى 3،3 ملن گەكتاردى قۇرادى. بۇل وتكەن جىلدىڭ سايكەس كەزەڭىمەن سالىستىرعاندا 127،9 مىڭ گەكتارعا ارتىق. قازىرگى دايىندىق قارقىنى اۋىل شارۋاشىلىعى جانۋارلارىن تولىققاندى ازىقتاندىرۋعا، مال شارۋاشىلىعى ونىمىنە بەلگىلەنگەن جوسپارلى كورسەتكىشتەردى ورىنداۋعا جانە قىستا مال باسىن ساقتاپ قالۋعا مۇمكىندىك بەرەدى"، دەلىنگەن اۋىلشارۋاشىلىعى مينيسترلىگىنىڭ ەسەبىندە.

مال ازىعىمەن قامتاماسىز ەتۋ جاعدايى اۋىل شارۋاشىلىعى مينيسترلىگى مەن ونىڭ سالالىق قۇرىلىمدارىنىڭ تۇراقتى باقىلاۋىندا.