قازاقستاننىڭ ۇلتتىق قۇراماسى IGeO 2026 حالىقارالىق گەوگرافييا وليمپياداسىندا 2 التىن جەنە 2 كٷمٸس مەدال جەڭٸپ الىپ, جالپى كوماندالىق ەسەپتە ەكٸنشٸ ورىنعا يە بولدى, دەپ حابارلايدى dalanews.kz.
قوستاناي قالاسىنداعى فيزيكا-ماتەماتيكا باعىتىنداعى NIS-تٸڭ 11-سىنىپ وقۋشىسى اندرەي ەنباحتوۆ التىن مەدال جەڭٸپ الىپ, جەكە ەسەپتە ابسوليۋت چەمپيون اتاندى. ول وسىمەن ەكٸنشٸ جىل قاتارىنان IGeO وليمپياداسىنىڭ التىن مەدالٸن يەلەنٸپ وتىر.
جەتٸسۋ وبلىسىنداعى مۇحتار ارىن اتىنداعى №24 مامانداندىرىلعان ليتسەيدٸڭ 10-سىنىپ وقۋشىسى بەكبول دارىن التىن مەدال جەڭٸپ الىپ, جەكە ەسەپتە 9-ورىنعا تۇراقتادى.
شىعىس قازاقستان وبلىسىنداعى دارىندى بالالارعا ارنالعان مامانداندىرىلعان "بٸلٸم-يننوۆاتسييا" ليتسەي-ينتەرناتىنىڭ 11-سىنىپ وقۋشىلارى امير دارىنوۆ پەن الان كوزلەنكو كٷمٸس مەدال يەلەندٸ. وسىلايشا, قازاقستان قۇراماسىنىڭ بارلىق تٶرت مٷشەسٸ دە حالىقارالىق وليمپيادانىڭ جٷلدەگەرٸ اتاندى.
وليمپيادا 11-17 تامىز ارالىعىندا تٷركييانىڭ ىستامبۇل قالاسىندا ٶتتٸ. وعان ۇلتتىق ٸرٸكتەۋ كەزەڭدەرٸنەن ٶتكەن 50 ەلدٸڭ 184 وقۋشىسى قاتىستى.
قازاقستان قۇراماسىنا رەسپۋبليكالىق جەنە حالىقارالىق وليمپيادالاردىڭ بٸرنەشە دٷركٸن جٷلدەگەرٸ اباي دٷيسەن مەن NU ستۋدەنتٸ الماس يسكەنديروۆ جەتەكشٸلٸك ەتتٸ.
قازاقستان حالىقارالىق گەوگرافييا وليمپياداسىنا 2012 جىلدان بەرٸ قاتىسىپ كەلەدٸ. وسى ۋاقىت ارالىعىندا قازاقستاندىق وقۋشىلار 7 التىن, 6 كٷمٸس جەنە 7 قولا مەدال جەڭٸپ الدى.
