Qazaqstannyń ulttyq quramasy IGeO 2026 halyqaralyq geografiia olimpiadasynda 2 altyn jáne 2 kúmis medal jeńip alyp, jalpy komandalyq esepte ekinshi orynǵa ie boldy, dep habarlaidy dalanews.kz.
Qostanai qalasyndaǵy fizika-matematika baǵytyndaǵy NIS-tiń 11-synyp oqýshysy Andrei Enbahtov altyn medal jeńip alyp, jeke esepte absoliýt chempion atandy. Ol osymen ekinshi jyl qatarynan IGeO olimpiadasynyń altyn medalin ielenip otyr.
Jetisý oblysyndaǵy Muhtar Aryn atyndaǵy №24 mamandandyrylǵan litseidiń 10-synyp oqýshysy Bekbol Daryn altyn medal jeńip alyp, jeke esepte 9-orynǵa turaqtady.
Shyǵys Qazaqstan oblysyndaǵy daryndy balalarǵa arnalǵan mamandandyrylǵan "Bilim-innovatsiia" litsei-internatynyń 11-synyp oqýshylary Amir Darynov pen Alan Kozlenko kúmis medal ielendi. Osylaisha, Qazaqstan quramasynyń barlyq tórt múshesi de halyqaralyq olimpiadanyń júldegeri atandy.
Olimpiada 11-17 tamyz aralyǵynda Túrkiianyń Ystambul qalasynda ótti. Oǵan ulttyq irikteý kezeńderinen ótken 50 eldiń 184 oqýshysy qatysty.
Qazaqstan quramasyna respýblikalyq jáne halyqaralyq olimpiadalardyń birneshe dúrkin júldegeri Abai Dúisen men NU stýdenti Almas Iskendirov jetekshilik etti.
Qazaqstan halyqaralyq geografiia olimpiadasyna 2012 jyldan beri qatysyp keledi. Osy ýaqyt aralyǵynda qazaqstandyq oqýshylar 7 altyn, 6 kúmis jáne 7 qola medal jeńip aldy.
