تۇركىستان وبلىسىندا Louis Vuitton جانە Gucci سياقتى ءسان يندۋسترياسىنىڭ الىپتارىمەن تىكەلەي ىنتىماقتاستىقتاعى توقىما فابريكاسى بوي كوتەرمەك. وتاندىق ماقتا شارۋاشىلىعىن جاڭا دەڭگەيگە شىعارۋعا مۇمكىندىك بەرەتىن جوبانىڭ قۇنى 146،8 ملرد تەڭگەنى قۇرايدى، دەپ حابارلايدى Dalanews.kz.
بولاشاق ماقتا اگروونەركاسىپ كەشەنىنىڭ كاپسۋلاسىن سالۋ ءراسىمى Turan ارنايى ەكونوميكالىق ايماعىندا وبلىس اكىمى دارحان ساتىبالدى مەن "تۇركىستان ماقتا اگروونەركاسىپ كەشەنى" ج ش س ديرەكتورى سيۋي سزەنىڭ قاتىسۋىمەن ءوتتى.
تولىق سيكلدى توقىما فابريكاسىندا 11 سەح جۇمىس ىستەيتىن بولادى: ءيىرۋ، ماتا ءوندىرۋ، بوياۋ، وڭدەۋ. ءوندىرىس قۋاتتىلىعى جىلىنا 13 مىڭ توننا ءيىرىمجىپ، 50 ملن مەتر ءۇي توقىماسىن، 7 ملن جيىنتىق توسەك ابزەلدەرىن قۇرايدى. ونىڭ اياسىندا 2000-نان استام جۇمىس ورنى قۇرىلادى.
ماقتا-ماتا كلاستەرىن دامىتۋعا باعىتتالعان وندىرىستىك كەشەننىڭ قۇرىلىسىن Xinjiang Lihua (Group) Co. LTD جۇرگىزەدى.
"جوبانىڭ ماڭىزدى ارتىقشىلىعى كومپانيانىڭ Louis Vuitton جانە Gucci سياقتى ءسان يندۋسترياسىنىڭ الىپتارىمەن تىكەلەي ىنتىماقتاستىعى بولىپ تابىلادى.
بولاشاقتا made in Turkestan تىگىن جىپتەرى مەن ماتالارى وسى برەندتەرگە ساتىلاتىن بولادى"، دەلىنگەن ق ر اشم حابارلاماسىندا.
تۇركىستان وبلىسى - قازاقستاننىڭ ماقتا وسىرەتىن جالعىز ءوڭىرى. "ماقتا شارۋاشىلىعىن دامىتۋدىڭ جانە ماقتا-توقىما كلاستەرىن قولداۋدىڭ 2027 جىلعا دەيىنگى وڭىرلىك جول كارتاسى" شەڭبەرىندە توعىز ماقتا كلاستەرىن قۇرۋ جوسپارلانۋدا، بۇل ءشيتتى ماقتانىڭ باعاسىنا تاۋەلدىلىكتى تومەندەتۋگە مۇمكىندىك بەرەدى. وبلىس اۋماعىندا جىل سايىن 100 مىڭ گەكتار جەرگە ماقتا ەگىلىپ، 300 مىڭ توننادان استام ءونىم جينالادى. الدىڭعى قاتارلى تەحنولوگيالاردى ەنگىزۋ، قىتايلىق تاجىريبە بويىنشا ماقتانىڭ ەليتالىق سورتتارىن ەگۋ سۋدى، ەنەرگيانى، رەسۋرستاردى تۇتىنۋدى وڭتايلاندىرۋعا جانە ونىمدىلىكتى 60-65 س/گا دەيىن ارتتىرۋعا مۇمكىندىك بەرەدى.
2023 جىلى وڭىردە "Cotton ماقتا" ج ش س ماقتا وڭدەۋ زاۋىتىنىڭ جوباسى ىسكە قوسىلدى. كاسىپورىن زاماناۋي قىتايلىق جابدىقتارمەن جابدىقتالعان. وتكەن جىلى زاۋىت 40 مىڭ توننا ءشيتتى ماقتا قابىلدادى.
سونىمەن قاتار، جۇڭگو مەن وزبەكستان ينۆەستورلارىنىڭ قاتىسۋىمەن قۇنى 223،5 ملرد تەڭگە بولاتىن ەكى ينۆەستيسيالىق جوبا ىسكە اسىرىلۋدا.
