قازاقستان قۇراماسىنىڭ قورجىنىندا قازىرگى كەزدە 8 مەدال بار. ونىڭ ەكەۋى التىن، ەكەۋى كۇمىس، تورتەۋى قولا. ال كوماندالىق ەسەپتە ءبىرىنشى ورىندى ازىرگە رەسەي بەرمەي تۇر. سولتۇستىك كورشىلەرىمىزدە 17 مەدال ەنشىلەپ ۇلگەردى. ۇزدىك ۇشتىكتى جۇڭگو قورىتىندىلادى. ولار 5 مەدال جەڭىپ العان (2،1،2).
بۇگىن قازاقستان قۇراماسى ساپىنان بياتلونشى الينا رايكوۆا، فريستايلدان كوماندالىق سايىستا جانبوتا الدابەرگەنوۆا مەن باعلان ىڭكاربەك باس جۇلدەگە قول جەتكىزگەن بولاتىن. سونداي-اق شاڭعىشى گالينا ۆيشنيەۆسكايا كۇمىس، اننا شيەۆچەنكو مەن ەكاتەرينا ايدوۆا قولا جۇلدەگەر اتاندى.
ايتا كەتەيىك، كەشە قازاقستان العاشقى جارىس كۇنىن بەسىنشى ورىنمەن اياقتاعان ەدى. بۇگىن بىردەن ءۇش ساتىعا كوتەرىلدى.
بەك تولەۋوۆ
