قازاقستان جۋرناليستەر وداعىنىڭ مٷشەلەرٸ 6000 مەجەدەن اسىپ, بۇل كٶرسەتكٸش كەسٸبي مەدياقاۋىمنىڭ اۋقىمى مەن ىقپالىن ايقىن كٶرسەتتٸ, دەپ حابارلايدى Dala News.
مەرەيلٸ 6000-نٶمٸرلٸ مٷشەلٸك كۋەلٸك تاراز قالاسىندا تابىستالدى. ونى «Taraz 24» تەلەارناسى ديرەكتورىنىڭ ورىنباسارى ايگەرٸم وتارباەۆا يەلەندٸ. وسىلايشا, ٶڭٸرلٸك جۋرناليستيكا ەلدٸك كەسٸبي تاريحتا تاعى بٸر سيمۆولدىق بەلەستٸ بەلگٸلەدٸ.
قازاقستان جۋرناليستەر وداعى – 1959 جىلدان بەرٸ جۇمىس ٸستەپ كەلە جاتقان, ەلدەگٸ ەڭ كٶنە ەرٸ ەڭ ٸرٸ قوعامدىق ۇيىم. بٷگٸندە وداق قۇرامىندا رەسپۋبليكانىڭ بارلىق ٶڭٸرٸن قامتىعان جۋرناليستەر بار. ۇيىم جىل سايىن 100–150 جاڭا مٷشەمەن تولىعىپ, كەسٸبي ورتادا تۇراقتى ٶسٸم كٶرسەتٸپ كەلەدٸ.
وداقتىڭ فيليالدارى 16 وبلىس پەن رەسپۋبليكالىق ماڭىزى بار ٷش قالادا جۇمىس ٸستەيدٸ. ايماقتاردا جاس جۋرناليستەرگە ارنالعان سەمينارلار, ترەنينگتەر, كەسٸبي كەزدەسۋلەر تۇراقتى تٷردە ٶتكٸزٸلٸپ كەلەدٸ. بۇل ەسٸرەسە جۋرناليستيكا فاكۋلتەتٸ جوق ٶڭٸرلەر ٷشٸن ماڭىزدى – مەديا سالاسىنا ەرتٷرلٸ ماماندىق يەلەرٸ كەلٸپ جاتقان جاعدايدا تەجٸريبە مەن باعىت-باعدار اۋاداي قاجەت.
قازاقستان جۋرناليستەر وداعى تەك كەسٸبي الاڭ عانا ەمەس, سونىمەن بٸرگە ورتا قالىپتاستىراتىن ينستيتۋتقا اينالىپ وتىر. ايماقتاردا شىعارماشىلىق بايقاۋلارمەن قاتار سپورتتىق جارىستار, زيياتكەرلٸك ويىندار ۇيىمداستىرىلادى. بۇل جۋرناليستيكانى تەك جۇمىس ەمەس, ٶمٸر سالتى رەتٸندە قالىپتاستىرۋعا باعىتتالعان تەسٸل.
ارداگەر جۋرناليستەرمەن بايلانىس تا ٷزٸلگەن ەمەس. جىل سايىن كەسٸبي مەرەكەلەردە سالاعا ەڭبەگٸ سٸڭگەن قالامگەرلەر ماراپاتتالىپ, «قازاقستاننىڭ قۇرمەتتٸ جۋرناليسٸ» مەدالٸ تابىستالادى. بۇل ساباقتاستىق پەن كەسٸبي جادىنى ساقتاۋدىڭ ماڭىزدى تەتٸگٸ.
سوڭعى جىلدارى استانادا ٶتكەن ٸرٸ مەديافورۋمدار جۋرناليستيكانىڭ بٷگٸنگٸ سىن-قاتەرلەرٸن اشىق تالقىلاۋعا مٷمكٸندٸك بەردٸ. ال جىل سايىنعى رەسپۋبليكالىق بايقاۋلار جاس جۋرناليستەر ٷشٸن تەك ماراپات ەمەس, كەسٸبي مويىنداۋ الاڭىنا اينالىپ وتىر.
6000 مٷشە بۇل جاي عانا سان ەمەس. بۇل ەلدەگٸ جۋرناليستيكانىڭ تٸرٸ ەكەنٸن, ٶڭٸرلٸك مەديانىڭ كٷشەيٸپ كەلە جاتقانىن جەنە كەسٸبي قاۋىمداستىقتىڭ ەلٸ دە سۇرانىسقا يە ەكەنٸن كٶرسەتەتٸن بەلگٸ.
