قازاقستان ەكونوميكاسىنىڭ ستراتەگيالىق اكتيۆتەرىنىڭ ءبىرى بولىپ تابىلاتىن باعالى مەتالداردىڭ كولەڭكەلى اينالىمىنا قاتىستى قىلمىستىق سحەمالاردى اشكەرەلەۋ بويىنشا ىشكى ىستەر مينيسترلىگى كەشەندى جۇمىستار جۇرگىزۋدە، - دەپ حابارلايدى Dalanews.kz.
اسىرەسە التىندى زاڭسىز ءوندىرۋ، وڭدەۋ ورىندارىن انىقتاۋعا جانە ونى شەتەلگە تاسىمالداۋ باعىتتارىن بەلگىلەۋگە ەرەكشە نازار اۋدارىلۋدا.
بۇعان دەيىن ءىىم ءتورت وڭىردە كەن وندىرۋمەن اينالىسقان بىرنەشە كومپانيانىڭ زاڭسىز قىزمەتىنىڭ جولى كەسىلگەنى تۋرالى حابارلاعان بولاتىن.
"اعىمداعى جىلدىڭ ماۋسىم ايىندا جامبىل وبلىسىندا پوليسيا دەپارتامەنتى ۇيىمداسقان قىلمىسقا قىلمىسقا قارسى كۇرەس باسقارماسىنىڭ قىزمەتكەرلەرى پروكۋراتۋرامەن بىرلەسىپ، "اقباقاي" كەن ورنىندا ارەكەت ەتكەن ۇيىمداسقان قىلمىستىق توپتىڭ قىزمەتىن توقتاتتى. توپ قۇرامىنا جەرگىلىكتى تۇرعىندار، كومبينات قىزمەتكەرلەرى مەن قاۋىپسىزدىك قىزمەتىنىڭ وكىلدەرى كىرگەن. زاڭسىز وندىرۋدەن باستاپ وڭدەۋگە جانە التىن قۇرامدى شيكىزاتتى تاسىمالداۋعا دەيىنگى قىلمىستىق تىزبەك تولىعىمەن اشكەرەلەندى. ولاردىڭ زاڭعا قايشى ارەكەتتەرىنەن كاسىپورىنعا كەلتىرىلگەن زالال 400 ميلليون تەڭگەدەن استى.
توپ ۇيىمداستىرۋشىسى مەن ونىڭ سىبايلاستارىن ۇستاۋ ءبىر مەزگىلدە ەلدىڭ ءتورت وڭىرىندە جۇرگىزىلدى. جالپى 50-دەن استام ادام ۇستالدى. شامامەن 6 كگ التىن تاركىلەندى، كەن وڭدەيتىن 8 جاسىرىن سەح جويىلدى. قىلمىستىق ءىس بىرنەشە باپ بويىنشا، سونىڭ ىشىندە ۇيىمداسقان قىلمىستىق توپ قۇرۋ، وعان باسشىلىق ەتۋ جانە قاتىسۋ فاكتىلەرى بويىنشا تەرگەلۋدە. تەرگەۋ مۇددەسىنە بايلانىستى وزگە اقپارات جاريا ەتىلمەيدى. التىن كونترابانداسىنىڭ ارنالارى، وزگە دە كولەڭكەلى اينالىمدار جانە تۇپكىلىكتى بەنەفيسيارلاردى انىقتاۋ بويىنشا جۇمىس جالعاسۋدا"، - دەدى ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.
