ۇلتتىق بانك تٶراعاسى تيمۋر سٷلەيمەنوۆ قازاقستان ەكونوميكاسى الداعى ۋاقىتتا تابيعي رەسۋرستارعا جەنە ۇلتتىق قورعا ارقا سٷيەمەي ٶمٸر سٷرۋگە ٷيرەنۋٸ قاجەت ەكەنٸن مەلٸمدەدٸ, دەپ حابارلايدى Dalanews.kz.
سٷلەيمەنوۆتٸڭ ايتۋىنشا, قازاقستاندى ورتالىق ازييا ەلدەرٸنەن ەرەكشەلەندٸرٸپ تۇرعان باستى فاكتور – تابيعي رەسۋرستاردىڭ مولدىعى. ايماقتاعى ٶزگە ەلدەر مۇنداي مٷمكٸندٸككە يە ەمەس. سوندىقتان ەلدٸڭ اقشا-كرەديت جەنە فيسكالدىق ساياساتى, ادامي كاپيتالى مەن ينفراقۇرىلىمى وسى رەسۋرستاردىڭ بار-جوعىنا تٸكەلەي تەۋەلدٸ.
"مۇنىڭ بەرٸ ەڭبەك نارىعىنا, جۇمىس ورىندارىنىڭ سانىنا تٸكەلەي ەسەر ەتەدٸ. سونىمەن قاتار, سىرتقى فاكتورلاردى دا ەسكەرۋ قاجەت. يە, بٸزدە ۇلتتىق قور جەنە ايتارلىقتاي مەملەكەتتٸك رەزەرۆ بار, بۇل جاعىنان كٶرشٸ ەلدەردەن ەرەكشەلەنەمٸز. بٸراق الداعى ەڭ ٷلكەن سىن – تابيعي رەسۋرستارعا تەۋەلدٸلٸكتەن باس تارتۋ. بٸز ۇلتتىق قور جوق سەكٸلدٸ ٶمٸر سٷرۋدٸ ٷيرەنۋٸمٸز كەرەك," – دەدٸ ول.
ۇلتتىق بانك باسشىسى ەكونوميكاعا تۇراقتى ينۆەستيتسييا قۇيىلمايىنشا, جٷيە ەلسٸرەيتٸنٸن ايتتى. ونىڭ پٸكٸرٸنشە, مۇناي تٷسٸمٸنە ارقا سٷيەۋ – ۇزاق مەرزٸمدٸ دامۋ ٷشٸن قاۋٸپتٸ.
"مىسالى, كەسٸبي سپورتشى ٷنەمٸ 'استەرويد' قابىلداپ جٷرٸپ, ونى كەنەت توقتاتسا – اۋىرىپ قالۋى مٷمكٸن. ەكونوميكا دا سونداي. سوندىقتان دا شەشٸم قابىلدايتىن تۇلعالار مەن مەملەكەتتٸك ورگاندار مۇناي تٷسٸمٸنە تەۋەلدٸلٸكتەن ارىلۋعا تىرىسۋى كەرەك. بۇل باعىتتا بٸرقاتار جەتٸستٸككە جەتتٸك دەپ ويلايمىن," – دەدٸ سٷلەيمەنوۆ.
ونىڭ ايتۋىنشا, قازاقستان ۇلتتىق قورىن ساقتاپ قالدى, بٸراق ونى رەزەرۆ رەتٸندە ۇستاۋ جەتكٸلٸكسٸز. ەڭ باستىسى – مۇنايدان تىس تابىس كٶزدەرٸن ارتتىرۋ. بۇل ٷشٸن سالىق جٷيەسٸندە دە ٶزگەرٸستەر جٷرٸپ جاتىر.
"بٸز قازٸر قوسىلعان قۇن سالىعىن رەفورمالاپ جاتىرمىز. ياعني, بيۋدجەتكە تٷسەتٸن كٸرٸستٸ مۇنايدان تىس كٶزدەر ارقىلى كٶبەيتۋدٸ كٶزدەيمٸز. تاعى دا قايتالاپ ايتامىن: بٸز ۇلتتىق قورىمىز جوقتاي ٶمٸر سٷرۋٸمٸز كەرەك," – دەپ تٷيٸندەدٸ ۇلتتىق بانك تٶراعاسى.
