قازاقستان چەرنوگورييادان تٷركييا ازاماتىن ەكستراديتسييالادى, دەپ حابارلايدى Dalanews.kz.
قازاقستان رەسپۋبليكاسىنىڭ باس پروكۋراتۋراسى جەنە ٸشكٸ ٸستەر مينيسترلٸگٸنٸڭ ينتەرپول ۇلتتىق ورتالىق بيۋروسىنىڭ قىزمەتكەرلەرٸ قازاقستاننىڭ چەرنوگوريياداعى ەلشٸلٸگٸنٸڭ كٶمەگٸمەن ٸرٸ كٶلەمدە قارجى ۇرلادى دەگەن كٷدٸكپەن تٷرٸك ازاماتىن ەكستراديتسييالادى.
تەرگەۋ بارىسىندا كٷدٸكتٸ قۇرىلىس كومپانيياسىنىڭ باسشىسى بولا وتىرىپ, 2022-2024 جىلدار ارالىعىندا جالعان كەلٸسٸمشارتتار جاساپ, ٷلەستەس ۇيىمدار ارقىلى الماتىداعى تۇرعىن ٷي كەشەندەرٸنٸڭ قۇرىلىسىنا ارنالعان 6 ميلليارد تەڭگەدەن اسا قاراجاتتى جىمقىرعانى انىقتالعان.
قىلمىس جاساعاننان كەيٸن كٷدٸكتٸ جاسىرىنىپ, وعان حالىقارالىق ٸزدەۋ جارييالانعان.
بىلتىر ناۋرىزدا ول چەرنوگورييادا ۇستالىپ, باس پروكۋراتۋرانىڭ سۇراۋى بويىنشا قازاقستانعا ەكستراديتسييالاندى. قازٸر كٷدٸكتٸ تەرگەۋ يزولياتورىنا قاماۋعا الىندى.
