قازاقستان 2025 جىلعى ٶنٸمنەن 13,5 ملن توننا استىق پەن ۇن ەكسپورتتادى. بۇل ٶتكەن جىلمەن سالىستىرعاندا 12,5%-عا كٶپ, دەپ حابارلايدى dalanews.kz.
ٶزبەكستانعا استىق جەتكٸزۋ كٶلەمٸ 37%-عا ٶسٸپ, 5,6 ملن تونناعا جەتتٸ. قىرعىزستانعا ەكسپورت 1,4 ەسە ارتىپ, 504 مىڭ توننا بولدى.
اۋعانستانعا جٶنەلتٸلگەن استىق كٶلەمٸ 59%-عا ٶسٸپ, 2,2 ملن تونناعا جەتسە, تٷرٸكمەنستانعا ەكسپورت 34%-عا ارتىپ, 210 مىڭ توننا بولدى.
ال 2026 جىلعى 1-20 شٸلدە ارالىعىندا ەۋروپالىق وداق ەلدەرٸنە 7,658 مىڭ توننا استىق جٶنەلتٸلگەن.
اۋىل شارۋاشىلىعى مينيسترلٸگٸ مەلٸمەتٸنشە, قازاقستاننىڭ ەكسپورتتىق ەلەۋەتٸ 13 ملن توننا استىققا باعالانىپ وتىر. بىلتىر ەلدە 27,1 ملن توننا استىق جينالىپ, سونىڭ ٸشٸندە 20 ملن توننادان استامى بيداي بولدى.
سونداي-اق, 2024-2025 جىلى قازاقستان 13,4 ملن توننا استىق ەكسپورتتاپ, بۇل كٶرسەتكٸش الدىڭعى ماۋسىممەن سالىستىرعاندا 47%-عا ارتقان. بۇل - كەيٸنگٸ 20 جىلداعى ەڭ جوعارى ەكسپورت كٶلەمٸ.
