ورىسشا ويلايتىندار مەن ورىسشا سٶيلەيتٸندەردٸڭ بۇل كٸسٸنٸ سۋقانى سٷيمەيدٸ. جٷرگەن جەرٸ داۋ دەيدٸ. بٸراق, بۇل داۋدى ورىندى كٶتەرەتٸنٸ, قۇقىعى تاپتالىپ وتىرعاسىن ايتاتىنىن ەسكەرە بەرمەيدٸ. بۇل جولى دا سولاي بولىپتى. ۇلت جاناشىرى پويىزداعى جولاۋشى تەكسەرٸستەرٸ تەك ورىس تٸلٸندە جٷرەتٸنٸن سىنعا الىپتى جەنە جٶن ايتىپ وتىر. بٸز اڭعارا بەرمەيتٸن, قازاق تٸلٸ ەلٸ تۇمسىق تىعا قويماعان سالالاردا رەسمي تٸلدٸڭ دەۋرەنٸ جٷرٸپ تۇر. بۇل تۋرالى رۋزا بەيسەنبايتەگٸ ٶزٸنٸڭ جەلٸدەگٸ پاراقشاسىندا جازعان ەكەن.
پرەمەر مينيستر باقىتجان ساعىنتاەۆتىڭ,
قورعانىس مينيسترٸ سەكەن جاسۇزاقوۆتىڭ,
قر ۇقك شەكارا قىزمەتٸ ديرەكتورى
گەنەرال-مايور دارحان دٸلمانوۆتىڭ نازارىنا!
مەن…
وقتىن-وقتىن پاۆلودار – ٶسكەمەن باعىتىنداعى پويىزدارمەن جٷرەمٸن. باعىتتا 2 رەت, شەكارادا ورنالاسقان اۋىل جەنە شەمونايحا ستانسالارىندا جولاۋشى تەكسەرٸستەرٸ تەك رف تٸلٸندە!
شامامەن, 2 جىلداي بۇرىن تەكسەرٸس جٷرگٸزەتٸن جٸگٸتتەرگە: «كەلەسٸ جولى جولاۋشىلارعا — „مەمتٸلدە تەكسەرٸس جٷرگٸزبەسەڭٸزدەر, قۇجاتتارىمدى كٶرسەتپەيمٸن„, — دەگەنمٸن.
قاڭتاردىڭ 21-ٸندە 376/375 استانا-لەنينوگور باعىتىنداعى پويىزدا, سول جٸگٸتتەردٸڭ بٸرٸ, «دوكۋمەنتى پريگوتوۆيلي …» دەپ, ەيتەۋٸر, ورىسشا تەكسەرٸپ كەلە جاتتى. مەنٸڭ كۋپەمە (پلاتسكارت, 0 ۆاگون) كەلگەندە عانا, «زدراۆستۆۋيتە», ەكٸنشٸ كەزەكتە «سەلەمەتسٸزبە» دەدٸ. مەن, بٸرٸنشٸ وسى مەملەكەتتٸڭ تٸلٸندە امانداسۋى كەرەك ەكەنٸن ەسكەرتٸپ, جەنە جىلدار بويى تەكسەرٸس تەك ورىس تٸلٸندە جٷرگٸزٸلٸپ كەلە جاتقانىنا نارازىلىق رەتٸندە قۇجاتىمدى كٶرسەتۋدەن باس تارتتىم دا, باستىعىن شاقىرتتىم.
ۇمىتپاسام, ول دا بۇرىننان تەكسەرٸپ جٷرەتٸن جٸگٸت, كەلدٸ دە ٶزٸن تولىعىمەن ورىس تٸلٸندە تانىستىردى. تەۋەلسٸز مەمەكەت ەكەنٸمٸز شىن بولسا, بۇل زاڭبۇزۋشىلىق. ودان ونىڭ ٷستٸندەگٸ باسشىسىن شاقىرۋدى تالاپ ەتكەنٸمدە (بولعاندى ۆيدەوعا تٷسٸردٸم) عانا, قازاقشا سٶيلەپ باستادى دا, بەينەكامەراعا تٷسٸرەتٸن ادامدى شاقىرتتى جەنە قۇجاتىڭىزدى كٶرسەتپەسەڭٸز, پويىزدى ۇستاپ تۇرامىز دەدٸ.
ەشكٸم كەشٸگٸپ بارۋدى قالامايدى, سوندىقتان قۇجاتىمدى كٶرسەتۋگە مەجبٷر بولدىم. 5-6 مينٶتتەي باسىڭىزدى تٶمەن تٷسٸرٸڭٸز, جوعارى قاراڭىز, ت.س.س., ۇزاق ۋاقىت قارادى, قۇجاتىممەن سالىستىرىپ. ٶمٸرٸمدە بٸرٸنشٸ رەت سونشا ۋاقىت سالىستىرعانى…
اشۋلانعان تٷرلەرٸ
14.44-تە پويىز جٷردٸ. بٸراق بٸرنەشە مين. كەيٸن تاعى توقتادى. سول ۋاقىتتا پويىز بريگاديرٸ كەلٸپ: «پويىزدى شەكاراشىلار سٸز ٷشٸن ۇستاپ تۇر, جولاۋشىلاردان سٸز تۋرالى تٷسٸنٸكتەمە الىپ جاتىر» دەدٸ. پويىز كەستە بويىنشا 14.50 جٷرۋٸ كەرەك بولاتىن, بٸراق قازاق تٸلٸن تالاپ ەتكەنٸم ٷشٸن (ونىڭ الدىندا جىلدار بويى), ٶشتەرٸن مەنەن الىپ, پويىزدى كەستەسٸنەن 24 مينٶت كەشٸكتٸردٸ دەپ ەسەپتەيمٸن. جەنە سونىسىن جۋىپ-شايۋ ٷشٸن مەنٸڭ جانىمداعى 2 جولاۋشىنى مەنٸڭ كٶزٸمشە ماعان قارسى تٷسٸنٸكتەمە بەرۋگە (جازۋعا) مەجبٷرلەدٸ, مٷمكٸن, باسقالارىنا دا سونداي قىسىم جاساعان شىعار (ول جاعىن بٸلمەيمٸن), ٶيتكەنٸ ولاردى جولسەرٸكتەر كۋپەسٸنە الىپ كەتكەن بولاتىن.
قۇرمەتتٸ باقىتجان ەبدٸرۇلى, سەكەن ەدٸلحانۇلى, دارحان ايتقاليۇلى!
قر قاۋٸپسٸزدٸگٸن قامتاماسىز ەتەتٸن شەكارا ەسكەرٸ نەلٸكتەن ٶز جۇمىستارىن رف تٸلٸندە جٷرگٸزەدٸ? ەلدە سٸزدەردٸڭ قىزمەتتەرٸڭٸز سول مەملەكەتتٸڭ قۇزىرىنا كٶشتٸ مە? قر كونستيتۋتسيياسىنا سەيكەس مەمتٸل, 22 جىل قازاق تٸلٸ ەكەنٸن بٸلمەيتٸن ساۋاتسىز با, شەكارا ەسكەرٸ?
نە قاساقانا مەملەكەتتٸ, ەلٸ كٷنگە رف بودانى ٸسپەتتەس كٶرسەتٸپ وتىرعان وپاسىزدىق پا شەكارا ەسكەرٸ تاراپىنان? سوندا بۇل ەسكەر كٸمگە باعىنادى? شىندىقتى اشىپ ايتۋدى تالاپ ەتەمٸن.
ٶز باسىما كەلەر بولساق, كەرٸ ورالعاندا, بولاشاقتا دا, مەيلٸ شەكاراشىلار پويىزدى سٶتكەلەپ توقتاتسىن, مەيلٸ, كٷش كٶرسەتٸپ الىپ كەتسٸن, امانداسۋدان باستالاتىن تەكسەرٸس, بٸرٸنشٸ مەمتٸلدە جٷرگٸزٸلمەسە, قۇجاتتارىمدى كٶرسەتۋدەن باس تارتامىن.
