قازاقمىستىڭ جەزقازعان ٶڭٸرٸندەگٸ كەسٸپورىندارىندا ستاتسيونارلىق جابدىققا جوسپارلى جٶندەۋ جۇمىسى تۇراقتى تٷردە جٷرگٸزٸلەدٸ, دەپ حابارلايدى dalanews.kz.
تامىز ايىندا ماماندار 20 جوبانى سەتتٸ اياقتادى. جۇمىس كەنٸش الاڭىندا جەنە جەزقازعان بايىتۋ فابريكاسىندا جٷرگٸزٸلدٸ.
«جومارت» كەنٸشٸندە №3 جەنە №5 ماگيسترالدىق كونۆەيەرلەرگە, سونداي-اق №2, №5 جەنە №8 ۇساتقىشتارعا جٶندەۋ جٷرگٸزٸلدٸ. ماماندار ۇساتقىشتاردىڭ ماڭدايشاسى مەن قورەكتەندٸرگٸشتەرٸن جٶندەدٸ, سكيپتٸك كٶتەرگٸشتٸڭ تارتقىش ارقاندارىن اۋىستىردى, كونۆەيەردٸڭ كەرمەلٸ ستانتسيياسىن جٶندەپ, تەمٸرجول بۋنكەرٸنٸڭ ەلەمەنتتەرٸن قالپىنا كەلتٸردٸ.
وڭتٷستٸك جەزقازعان كەنٸشٸندە جەنە «باتىس» كەنٸشٸندە كٶتەرۋ جەنە ۇساقتاۋ جابدىقتارىنا كەشەندٸ جٶندەۋ جۇمىسى جٷرگٸزٸلدٸ. اتاپ ايتقاندا, №65 شاحتادا ارقان جەتەكتٸ شكيۆتٸڭ فۋتەروۆكاسى اۋىستىرىلدى. №67 شاحتاداعى №4 كونۆەيەردٸڭ 1890 قۋما مەتر تاسپاسى, سونداي-اق دوڭعالاقتارى مەن دوڭعالاق تٸرەۋلەرٸ جاڭارتىلدى.
جەزقازعان بايىتۋ فابريكاسىندا ماماندار ۇساتقىشتاردى, قورەكتەندٸرگٸش پەن كونۆەيەرلەردٸ جٶندەدٸ. جۇمىس بارىسىندا تاسپا, توراپ جەنە ۇساقتاۋ جابدىعىنىڭ بروندى ەلەمەنتتەرٸ اۋىستىرىلىپ, تور استى ناۋا جٶندەلدٸ, سونداي-اق پلاستينالى قورەكتەندٸرگٸشتٸڭ تٶسەمٸ اۋىستىرىلدى.
جوسپارلى جٶندەۋ جۇمىسى جابدىقتىڭ تەحنيكالىق جاعدايى مەن ٶندٸرٸستٸك مٸندەتتەردٸ ەسكەرە وتىرىپ, بەكٸتٸلگەن كەستەگە سەيكەس جٷرگٸزٸلەدٸ. مۇنداي تەسٸل جەكەلەگەن توراپتاردىڭ توزۋىن الدىن الا انىقتاۋعا, اقاۋدى دەر كەزٸندە جويۋعا جەنە ولاردىڭ ۇلعايۋىنا جول بەرمەۋگە ىقپال ەتەدٸ. جابدىققا تۇراقتى تٷردە تەحنيكالىق قىزمەت كٶرسەتۋ ونىڭ ٷزدٸكسٸز ەرٸ قاۋٸپسٸز جۇمىسىن قامتاماسىز ەتەدٸ.
تەحنيكالىق قىزمەت كٶرسەتۋ جەنە جٶندەۋ جۇمىسى قىركٷيەك ايىندا دا جالعاسادى. «باتىس» كەنٸشٸنٸڭ №67 شاحتاسىنداعى 140-دەڭگەيجيەكتە كەن تٷسٸرگٸشتٸڭ ماڭدايشاسىن اۋىستىرىپ, ۇساتقىشتى جٶندەۋ جوسپارلانعان. جۇمىس اياقتالعاننان كەيٸن جابدىق قايتادان پايدالانۋعا بەرٸلەدٸ.
جوسپارلى جٶندەۋ جۇمىسى – ٶڭٸردەگٸ كەسٸپورىنداردىڭ ٶندٸرٸستٸك جۇمىسىنىڭ اجىراماس بٶلٸگٸ. كومپانييا جابدىقتى جٷيەلٸ تٷردە جاڭارتىپ, قالپىنا كەلتٸرۋ ارقىلى ولاردىڭ تەحنيكالىق دايارلىعىن قامتاماسىز ەتەدٸ جەنە ٶندٸرٸستٸك نىسانداردىڭ قاۋٸپسٸز ەرٸ تۇراقتى جۇمىس ٸستەۋٸنە جاعداي جاسايدى.
