«قازاقمىس كورپوراتسيياسى» جشس باسقارما تٶراعاسى رۋسلان ٶسكەنەلٸ جۇمىس ساپارى بارىسىندا قۇيۋ-مەحانيكالىق زاۋىتتا جەنە تەجٸريبەلٸك گيدرومەتاللۋرگييالىق زاۋىتتا بولدى. جۇمىس ساپارى اياسىندا كەسٸپورىنداردى ودان ەرٸ دامىتۋ, ٶندٸرٸستٸ جاڭعىرتۋ, جۇمىستىڭ تيٸمدٸلٸگٸن ارتتىرۋ جەنە ٶنەركەسٸپتٸك قاۋٸپسٸزدٸك دەڭگەيٸن كٷشەيتۋ مەسەلەلەرٸ نازارعا الىندى, دەپ حابارلايدى dalanews.kz.
قۇيۋ-مەحانيكالىق زاۋىتىندا ٶندٸرٸستٸ تەحنولوگييالىق جاڭعىرتۋدىڭ كەلەشەگٸ قاراستىرىلدى. كومپانييا باسشىلىعىنا 3D-باسپا تەحنولوگيياسىن قولدانا وتىرىپ, گازداندىرىلاتىن ٷلگٸلەر بويىنشا قۇيۋدىڭ زاماناۋي تەحنولوگيياسىن ەنگٸزۋ جوباسى تانىستىرىلدى. قۇنى شامامەن 3,2 ملن اقش دوللارىن قۇرايتىن جوبانى ٸسكە اسىرۋ ٶنٸم ٶندٸرۋ دەلدٸگٸن ارتتىرۋعا, بٶلشەكتەردٸ مەحانيكالىق ٶڭدەۋ كٶلەمٸن قىسقارتۋعا جەنە كەسٸپورىننىڭ ٶنٸمدٸلٸگٸن ۇلعايتۋعا مٷمكٸندٸك بەرەدٸ.
باسقارما تٶراعاسىنىڭ تاپسىرماسى بويىنشا جوبانىڭ تيٸمدٸلٸگٸ مەن ٶزٸن-ٶزٸ اقتاۋ مەرزٸمٸن باعالاۋدى قامتيتىن كەشەندٸ ەكونوميكالىق تالداۋ جٷرگٸزٸلەدٸ.
كەسٸپورىننىڭ ٶز ٶندٸرٸسٸن دامىتۋ جەنە يمپورتتى الماستىرۋ مەسەلەلەرٸنە دە ەرەكشە مەن بەرٸلدٸ. قازٸرگٸ تاڭدا كورپوراتسييا قۇيۋ جەنە ماشينا جاساۋ ٶنٸمدەرٸنٸڭ بٸر بٶلٸگٸن سىرتقى جەتكٸزۋشٸلەردەن ساتىپ الۋدا. قۇيۋ-مەحانيكالىق زاۋىتىنىڭ ٶز ٶنٸم تٷرلەرٸن كەڭەيتۋگە جەنە ٶندٸرٸستٸك قۋاتتىڭ جٷكتەمەسٸن ارتتىرۋعا ەلەۋەتٸ جەتكٸلٸكتٸ. دەگەنمەن سۇرانىسقا يە ٶنٸمدەردٸ جوعارى ساپامەن جەنە بەلگٸلەنگەن جەتكٸزۋ مەرزٸمدەرٸن ساقتاي وتىرىپ شىعارۋ نەگٸزگٸ باسىمدىق بولىپ قالا بەرۋدە.
كەسٸپورىننىڭ تۇراقتى جۇمىسىن قامتاماسىز ەتۋ ماقساتىندا زاۋىت باسشىلىعىنا ماتەريالدارعا دەگەن قاجەتتٸلٸكتٸ جوسپارلاۋ جٷيەسٸن جەتٸلدٸرۋ تاپسىرىلدى. ال كومپانييانىڭ بەيٸندٸ قۇرىلىمدىق بٶلٸمشەلەرٸنە قىسقى كەزەڭدە ٶندٸرٸستٸڭ ٷزدٸكسٸز جۇمىسىن قامتاماسىز ەتۋ ٷشٸن قاجەتتٸ شيكٸزات قورىن قالىپتاستىرۋ جٷكتەلدٸ.
تەجٸريبەلٸك گيدرومەتاللۋرگييالىق زاۋىتتا كەسٸپورىندى ودان ەرٸ دامىتۋدىڭ كەلەشەك باعىتتارى تالقىلاندى. قازٸرگٸ ۋاقىتتا قولدانىستاعى ٶندٸرٸستٸك ينفراقۇرىلىم نەگٸزٸندە تەحنوگەندٸك شيكٸزاتتى قايتا ٶڭدەۋ, ٸلەسپە تٷردە مىس ٶندٸرۋ جەنە قوسىمشا ٶنٸم شىعارۋ جٶنٸندەگٸ جاڭا تۇجىرىمداما پىسىقتالۋدا. زەرتحانالىق زەرتتەۋ اياقتالعاننان كەيٸن كەسٸپورىن اۋقىمدى سىناق كەزەڭٸنە ٶتٸپ, ٶنەركەسٸپتٸكك رەگلامەنتتٸ ەزٸرلەۋگە كٸرٸسەدٸ.
جۇمىس ساپارى بارىسىندا ٶنەركەسٸپتٸك قاۋٸپسٸزدٸك مەسەلەسٸنە ەرەكشە نازار اۋدارىلدى. كەسٸپورىن باسشىلارىنا ٶندٸرٸستٸك تەۋەكەلدٸ ازايتۋ, ٶندٸرٸستٸك باقىلاۋ جٷيەسٸن جەتٸلدٸرۋ جەنە بارلىق ۋچاسكەلەردە قاۋٸپسٸز ەڭبەك جاعدايىن قامتاماسىز ەتۋ بويىنشا جٷيەلٸ جۇمىستى جالعاستىرۋ تاپسىرىلدى.
جۇمىس ساپارىن قورىتىندىلاي كەلە, رۋسلان ٶسكەنەلٸ قۇيۋ-مەحانيكالىق جەنە تەجٸريبەلٸك گيدرومەتاللۋرگييالىق زاۋىتتارى «قازاقمىس» ٶندٸرٸستٸك كەشەنٸنٸڭ ماڭىزدى قۇرامداس بٶلٸگٸ ەكەنٸن اتاپ ٶتتٸ. كومپانييا اتالعان كەسٸپورىنداردى دامىتۋدى تەحنولوگييالىق تەۋەلسٸزدٸكتٸ نىعايتۋدىڭ, ٶندٸرٸس تيٸمدٸلٸگٸن ارتتىرۋدىڭ جەنە ٶڭٸردٸڭ ٶنەركەسٸپتٸك ەلەۋەتٸن كٷشەيتۋدٸڭ نەگٸزگٸ باعىتتارىنىڭ بٸرٸ رەتٸندە قاراستىرادى.
