2026 جىلى «قازاقمىس» كورپوراسياسىندا ونەركاسىپتىك قاۋىپسىزدىك جانە ەڭبەكتى قورعاۋ سالاسىنداعى جاڭارتىلعان ستراتەگيانى جۇزەگە اسىرۋ قولعا الىنادى. باسشىلىقتىڭ ەڭبەك ۇجىمىمەن وتكىزگەن جۇمىس كەزدەسۋلەرىندە جاڭا ستراتەگيانىڭ نەگىزگى باعىتتارى مەن باسىمدىقتارى ءتۇسىندىرىلدى، دەپ حابارلايدى Dalanews.kz.

جاڭا ستراتەگيا قاۋىپسىزدىكتى باسقارۋدى جۇيەلى تۇردە نىعايتۋعا، سيفرلىق شەشىمدەردى دامىتۋعا جانە باسشىلاردان باستاپ جۇمىسشىلارعا دەيىنگى بارلىق دەڭگەيدەگى قىزمەتكەرلەردىڭ جەكە جاۋاپكەرشىلىگىن قالىپتاستىرۋعا باعىتتالعان. سونىمەن قاتار وندىرىستىك تاۋەكەلدەردى ازايتۋعا، ءقاۋىپسىز مىنەز-قۇلىق مادەنيەتىن دامىتۋعا، جۇمىسكەرلەردىڭ اقپاراتتاندىرىلۋىن ارتتىرۋعا جانە زاماناۋي ونەركاسىپتىك قاۋىپسىزدىك ستاندارتىن ەنگىزۋگە نەگىزدەلگەن.

باستى قاعيدا – ادامنىڭ ءومىرى مەن دەنساۋلىعىنا ەرەكشە باسىمدىق بەرۋ. كومپانيادا كەز كەلگەن وندىرىستىك مىندەت ءومىر قاۋىپسىزدىگى مەن دەنساۋلىقتان ماڭىزدى بولمايتىنىن ايرىقشا اتاپ كورسەتەدى. ءاربىر جۇمىسكەر ءوزىنىڭ، ارىپتەسىنىڭ نەمەسە جابدىقتىڭ قاۋىپسىزدىگىنە قاتەر تونگەن جاعدايدا جۇمىستى توقتاتۋعا قۇقىلى.

اشىقتىق ماسەلەسىنە ەرەكشە نازار اۋدارىلادى. جاڭارتىلعان ستراتەگيا وندىرىستىك نىسان باسشىلارىنا جازاتايىم وقيعانى جاسىرعانى ءۇشىن جاۋاپكەرشىلىكتى كۇشەيتۋدى كوزدەيدى، مۇنىڭ سوڭى تارتىپتىك شارا قولدانۋعا نەمەسە ەڭبەك شارتىن بۇزۋعا دەيىن اكەلۋى مۇمكىن. اتالعان شارالار اكىمشىلىك قىسىمدى تومەندەتۋدى، اشىق ورتا قالىپتاستىرۋدى جانە تاۋەكەلدەردى ۋاقىتىندا انىقتاۋدى كوزدەيدى.

«قازاقمىس» كومپانياسىندا وندىرىستىك ۇدەرىستىڭ بارلىق قاتىسۋشىلارىنىڭ بىرلەسكەن، جوسپارلى جانە جۇيەلى جۇمىسىنىڭ ناتيجەسىندە عانا جاراقاتتانۋ دەڭگەيىن تومەندەتۋ مۇمكىن ەكەنىن ايتادى. جاڭارتىلعان ونەركاسىپتىك قاۋىپسىزدىك ستراتەگياسىن جۇزەگە اسىرۋ كومپانيانىڭ تۇراقتى دامۋىنىڭ اجىراماس بولىگى جانە جۇمىسكەرلەر مەن وزىنە قاتىسى بار وڭىرلەر الدىنداعى جاۋاپكەرشىلىگى رەتىندە قاراستىرىلادى.