«اقتوبە اقپارات» ورتالىعىندا وتكەن باسپا ءسوز ءماسليحاتىندا حرومتاۋ اۋدانىنىڭ اكىمى ايازباي وسمانعالييەۆ «ۋاقىتتى ۇنەمدەۋ» دەگەن جەلەۋمەن بايانداماسىنىڭ باسىم بولىگىن ورىس تىلىندە جاسادى.

وسىنى اڭعارعان جۋرناليستەر حرومتاۋ اۋدانىنىڭ اكىمدىگىندە وتەتىن وتىرىستاردا دا ونىڭ ورىس تىلىندە سويلەيتىنىن بەتىنە باستى. «ءتىل سىندىرۋ ءۇشىن كىتاپ وقيسىز با؟ قانداي كىتاپتار وقىپ جاتسىز؟» دەپ سۇرادى جۋرناليستەردىڭ ءبىرى.

– مەن كۇندەلىكتى «ەگەمەن قازاقستان» گازەتىن الىپ وقيمىن. جىل سايىن «انا ءتىلى» گازەتىن جازدىرتىپ الىپ ءجۇرمىن. ول گازەتتى ۇنەمى وقىپ جۇرەمىن، – دەدى ايازباي وسمانعالييەۆ.

 

اسقار اقتىلەۋ

(ماقالانىڭ ءتۇپنۇسقاسىنداعى تاقىرىبى "ءتىل سىندىرۋ ءۇشىن حرومتاۋ اۋدانى باسشىسى گازەتوقيتىن بولىپ شىقتى")

دەرەككوزى: jasqazaq.kz