قازانعاپ دومبىراسى كٷمبٸرلەيدٸ...
قازاق حالقىنىڭ كٷيشٸلٸك ٶنەرٸندە كٷيلەرٸنٸڭ تارتىلۋ تەسٸلٸنەن باستاپ, سارىن-سازىنا دەيٸن وقشاۋ قاسيەتتەرٸمەن دارالاناتىن قازاناعاپ تٸلەپبەرگەنۇلى (1854-1927) ٶزٸنە دەيٸنگٸ دەستٷرگە ٶزٸندٸك ٶرنەك سالىپ, ٶرٸسٸن ۇزارتتى. حٸح عاسىردىڭ سوڭى مەن حح عاسىردىڭ باسىندا قازاق حالقىنىڭ رۋحاني ەلەمٸنە تىڭنان تٷرەن سالعان دارا تۇلعا, قازانعاپ تٸلەپبەرگەنۇلىنىڭ كٷيلەرٸ اماناتقا ادال شەكٸرتتەرٸ كەدٸرەلٸ ەرجانوۆ, جەلەكەش ايپاقوۆ, سەدۋاقاس بالماعامبەتوۆ, باقىت باسىقاراەۆ ت.ب. كٷيشٸلەر ارقىلى بٸزگە جەتتٸ.
ىقىلاس اتىنداعى حالىق مۋزىكا اسپاپتارى مۋزەيٸ جوسپارلاپ وتىرعان بۇل شارانىڭ ەرەكشەلٸگٸ مۋزەي قورىندا ساقتاۋلى تۇرعان حالىق كومپوزيتورى قازانعاپ پەن كٷيشٸ سەدۋاقاس بالماعانبەتوۆتىڭ ٶز قولىمەن ۇستاعان دومبىرالارىن مۋزەي ساحناسىنا شىعارىپ, ٶتكەننٸڭ اسىلدارىن بولاشاق ۇرپاقتىڭ جان-جٷرەگٸنە جەتكٸزۋ. كەشتە حالىق كومپوزيتورى قازانعاپتىڭ كٷيلەرٸ ورىندالادى.
بۇل كەشكە زييالى قاۋىم ٶكٸلدەرٸمەن قوسا, قازانعاپ مۇراسىن جيناپ-زەرتتەپ, ونى جاس ۇرپاققا قالدىرۋعا ايانباي تەر تٶگٸپ كەلە جاتقان قر مەدەنيەت قايراتكەرٸ, كٷيشٸ-زەرتتەۋشٸ ابدۋلحاميت رايىمبەرگەنوۆ, قازانعاپ مۇراسىن جالعاستىرۋشىلاردىڭ بٸرٸ, كٷيشٸ نۇربولات جانامانوۆ (اقتٶبە ٶڭٸرٸنەن), قر ەڭبەك سٸڭٸرگەن قايراتكەرٸ ەربولات مۇستافاەۆ, قر مەدەنيەت قايراتكەرٸ, كٷيشٸ-زەرتتەۋشٸ مۇرات ەبۋعازى جەنە كٷيشٸ التىنبەك ٷمبەتوۆ قاتىسادى. كەلەم دەۋشٸلەرگە ەسٸك اشىق.
ٶتەتٸن جەرٸ: الماتى قالاسى,
ىقىلاس اتىنداعى حالىق مۋزىكا
اسپاپتارى مۋزەيٸ
زەنكوۆ كٶشەسٸ 24ا
بايلانىس تەلەفوندارى:
2 91 63 16
2 91 69 17
2 91 63 16
