قايرات نۇرتاستىڭ اكەسى دە كەزىندە ءان سالعان. تەك ۇلى سياقتى ۇلكەن ساحنالاردا ەمەس، كىشىگىرىم جيىنداردا جانە دوستارىنىڭ ورتاسىندا ءوز ونەرىن پاش ەتكەن. انشىلىك قىزمەتتىڭ مول پايدا الىپ كەلەتىنىن بىلسە دە، نۇرتاس ايداربەكوۆ وتباسىنان ايىرىلىپ قالماۋ ءۇشىن ساحناعا شىعۋدان باس تارتقان. بۇل تۋرالى ونىڭ جۇبايى گۇلزيرا ايداربەكوۆا 31 ارنانىڭ «ۇيات ەمەس» باعدارلاماسىندا ايتىپ بەردى.
«ەشبىر توي مەنىڭ جولداسىم ءان ايتپاي وتپەيتىن. سوندا قانشاما انشىلەر جولداسىمنىڭ داۋسىنىڭ مىقتى ەكەنىن العا تارتىپ، تويلارعا بىرگە شىعۋعا ۇسىنىس جاساعان ەدى. مەن دە ولاردىڭ ءسوزىن قوشتاپ، انشىلىكتەن مول تابىسقا كەنەلەتىنىمىزدى ايتتىم. سوندا جولداسىم: «سەن قارا شاي ىشكەنىڭە ريزا بول. نانعا ۋىلدىرىق نەمەسە سارى ماي جاعىپ جەمەي-اق قوي. ويتكەنى مەن ادام بالاسىمىن. توي-تويلاپ كەتەمىن، كوزگە ارنارسە تۇسەدى. اراق، قىز-كەلىنشەكتەر… مەن سايتان ەمەسپىن، مەنىڭ دە اداسۋىم مۇمكىن. ال مەن وتباسىمدى قاتتى جاقسى كورەمىن. بالامنان دا، سەنەن دە ايىرىلعىم كەلمەيدى. سەنىڭ مىنەزىڭدى دە، كەشىرمەيتىنىڭدى دە بىلەمىن. سوندىقتان وسى قارا شاي ىشەيىك، مەن شىقپاي اق قويايىن»، – دەدى.
– ءبىراق سونى بالامنان قاتتى كۇتتىم. قايرات ومىرگە كەلگەن كەزدە 6 كەلىنشەك ءبىر ۋاقىتتا بوساندىق. التاۋىمىزدى ءبىر پالاتاعا جاتقىزدى. قايراتتى ەمىزۋگە الىپ كەلەدى. سوندا كوبىسىنىڭ بالالارىنىڭ داۋسى اششى، ءسابي بولسا دا جاعىمسىزداۋ شىعاتىن. كەلىنشەكتەردىڭ ءبارى «سەنىڭ بالاڭنىڭ داۋسى ادامنىڭ جۇرەگىن ەلجىرەتىپ جىبەرەدى» دەۋشى ەدى، – دەيدى گۇلزيرا ۇسەن قىزى.
دەرەككوزى: stan.kz
