قازاقستاندا قايرات ساتىبالدىنىڭ قولىندا قانداي كاسىپتەرى قالعانى بەلگىلى بولدى، - دەپ حابارلايدى Dalanews.kz shishkin.like تەلەگرام ارناسىنا سىلتەمە جاساپ.
قايرات ساتىبالدى 2018 جىلى ەڭ باي قازاقستاندىقتار تىزىمىندە بولدى. Forbes.kz ونىڭ بايلىعىنا - 163 ميلليون دوللار دەگەن باعا بەردى. قازىرگى تاڭدا ەكس-پرەزيدەنتتىڭ نەمەرە ءىنىسىنىڭ بايلىعى ودان كوپ بولعانى انىقتالدى. 2،5 جىلدا قايرات ساتىبالدى مەملەكەتكە 700 ميلليارد تەڭگەنى ءوز ەركىمەن قايتارعان. ودان بولەك، ول الماتىداعى ەكى ءىرى كاسىبىن، كوممەرسيالىق جىلجىمايتىن مۇلىك، استاناداعى ەليتالى ءۇيىن، دۋباي مەن فرانسياداعى ۆيللالارىن، ماسكەۋ، بودرۋم، ىستامبۇلداعى پاتەرلەرىن، Rolls-Royce Cullinan جانە Aston Martin اۆتوكولىكتەرىن، سونىمەن قاتار، ەكسكليۋزيۆ اشەكەي بۇيىمدارىن مەملەكەتكە قايتاردى.
قازىرگى تاڭدا ساتىبالدىعا تيەسىلى بىرنەشە كاسىپ قانا قالعان. مىسالى ول «قايرات» جەكە حالىقارالىق قايىرىمدىلىق قورىنىڭ قۇرىلتايشىسى نەمەسە تەڭ قۇرىلتايشىسى. Adata.kz مالىمەتىنشە، قور 2015 جىلى قۇرىلعاننان كەيىن 28 ميلليون تەڭگە سالىق تولەگەن. ونىڭ 791 مىڭ تەڭگە سالىعى 2023 جىلى تولەنگەن.
«الاتاۋ كاپيتال ينۆەست» ج ش س - قوردىڭ اكتيۆتەر پورتفەلىن سەنىمگەرلىك باسقارۋعا بايلانىستى قىزمەتپەن اينالىسادى. كومپانيا 2016 جىلى قۇرىلىپ، جالپى 10،5 ميلليون تەڭگە سالىق تولەگەن.
«امير LTD» ج ش س - ساۋدا، قۇرىلىس، كولىك-ەكسپەديسيالىق قىزمەتتەرمەن اينالىسقان ءقازىر كومپانيا تاراتىلىپ جاتىر.
"اق وردا "رەسپۋبليكالىق قوزعالىسى" قوعامدىق بىرلەستىگى. ۇيىم 19 جىل بۇرىن تىركەلگەن، ساياسي ومىردە بەلسەندى كوزگە تۇسپەگەن جانە ءبىر رەت سالىق تولەگەن – 2017 جىلى 14 مىڭ تەڭگە. ساتىبالدىدان باسقا قۇرىلتايشىلاردىڭ ىشىندە تاعى 9 ادام بار.
ەسكە سالايىق،قايرات ساتىبالدى مەرزىمىنەن بۇرىن بوستاندىققا شىعادى. 16 تامىزدا قازاقستاننىڭ ەكس-پرەزيدەنتى نۇرسۇلتان نازاربايەۆتىڭ نەمەرە ءىنىسى قايرات ساتىبالدىنىڭ جازاسىن شەكتەۋ شاراسىنا اۋىستىرۋ تۋرالى ءوتىنىشى قاناعاتتاندىرىلدى.
"وسكەمەن قالاسىنىڭ №2 سوتى سوتتالعان قايرات ساتىبالدىنىڭ جازاسىنىڭ وتەلمەگەن بولىگىن جازانىڭ نەعۇرلىم جەڭىل تۇرىنە اۋىستىرۋ تۋرالى ءوتىنىشحاتىن قارادى. قايرات ساتىبالدى مۇلكى تاركىلەنىپ، مەملەكەتتىك قىزمەت اتقارۋ قۇقىعىنان 10 جىلعا دەيىنگى مەرزىمگە ايىرىلا وتىرىپ، 6 جىلعا باس بوستاندىعىنان ايىرىلعان بولاتىن. سوتتالعان ءوزىنىڭ ءوتىنىشحاتىندا جازاسىنىڭ وتەلمەگەن بولىگىن نەعۇرلىم جەڭىل تۇرىنە اۋىستىرۋ تۋرالى ءوتىنىشحاتىن بەرۋ ءۇشىن زاڭنىڭ بارلىق تالاپتارىن ورىنداعانىن اتاپ كورسەتكەن"، - دەپ جازدى سوت.
