«جۋرناليستىك ەتيكا جايىندا… بۇگىن ءبىز ۇلكەن قايعىعا تاپ بولىپ وتىرمىز. باۋىرىمىز ەركەش (شاكەيەۆ – اۆت.) ۇلىنان ايىرىلدى. سافاردىڭ ءولىمى راستالعاننان كەيىن ءبىر ساعات وتپەي، ەركەشتىڭ نومىرىنە ءبىر قىز زۆوندادى. – سالاماتسىز با! مەن «1 ارنا ەۋرازيادان» بولامىن، ماعان شۇعىل تۇردە «كوممەنتاريي» بەرىڭىزشى!
كوڭىل ايتقان دا جوق، قايعىعا ورتاقتاسقان دا جوق. تۇك بولماعانداي، كوممەنتاريي بەرىڭىزشى دەپ وتىر. ابىروي بولعاندا، سول كەزدە اكەسىنىڭ تەلەفونى مەندە بولدى. ارينە، مەن ول توپاستى بارىنە بەلگىلى «ءۇش ارىپكە» جىبەردىم.
ارتىنان ونىڭ قويماي، ەركەشتىڭ دوستارىنا دەيىن شابۋىلداعانىن ءبىلدىم (حابارلاما الماسۋدىڭ سكرينشوتى بار). ادام قايعىسىن پايدالانىپ، جۋرناليستىك مانساپتى جاساۋ — ابىرويدان جۇرداي قالعاننىڭ بەلگىسى. ءبىر ار-ۇيات پەن ادەپ بولۋى كەرەك قوي»، — دەپ جازدى ارمان شورايەۆ ءوزىنىڭ Facebook پاراقشاسىندا.
دەرەككوز: Baq.kz
