بيىل شىعىس قازاقستاندا ارحەولوگييا سالاسىندا عىلىمي-زەرتتەۋ جۇمىستارىن دامىتۋدىڭ ايماقتىق جوسپارىنىڭ اياسىندا بەرەل جازىعىنداعى قورعانداردا قازبا جۇمىستارى جٷرگٸزٸلدٸ. مۇندا عالىمدار ب.ز.د IV عاسىرعا جاتاتىن ادام سٷيەگٸ مەن قۇرباندىققا شالىنعان جەتٸ جىلقىنىن قاڭقالارى بار №2 قورعاندى قازعان بولاتىن. تابىلعان بارلىق جىلقىلار سكيفتٸك جانۋارلار تەسٸلٸمٸەن, ونىڭ ٸشٸندە ەجەلگٸ كٶشپەندٸلەر مەدەنيەتٸندە سيرەك كەزدەسەتٸن قوراز بەينەسٸندە بەزەندٸرٸلگەن. سونىمەن قاتار قورعاننان قىش قۇمىرالار شىعىپ وتىر.
ايماق باسشىسى دانيال احمەتوۆتٸڭ تاپسىرماسىمەن قۇندى جەدٸگەرلەردٸ كەلۋشٸلەردٸڭ كٶرۋٸنە مٷمكٸندٸك جاساۋ ٷشٸن قورعاننىڭ ٷستٸنەن بٸر جارىم ايدىڭ ٸشٸندە شىنى ساركوفاگ تۇرعىزىلدى. قاتتى شىنىدان جاسالعان ساركوفاگتٸڭ اۋماعى 90 شارشى مەتر, ال بيٸكتٸگٸ جەدٸگەرلەر جاتقان جەردەن باستاپ 8,5 مەتردٸ قۇرايدى.
سونىمەن قاتار بٸرەگەي كەشەنمەن شەتەلدٸك عالىمدار دا تانىستى. شاقىرىلعان مەيمانداردىڭ بٸرٸ, رەسەيدٸڭ سانكت-پەتەربۋرگ قالاسىنىڭ مەدەنيەت ينستيتۋتىنىڭ پروفەسسورى نيكولاي بوكوۆەنكو وسىنداي زەرتتەۋلەر تۋۆا مەن حاكاسييادا جٷرگٸزٸلٸپ جاتقانىن ايتىپ ٶتتٸ. بٸراق عالىمدار از ۋاقىت ارالىعىندا مۇنداي مۇراجايدى اشۋ مٷمكٸن ەمەس دەپ سانايتىنىن سٶزگە تيەك ەتتٸ.
ايتا كەتسەك, ەرتەڭ شىعىس قازاقستاندا وبلىستا جٷرگٸزٸلٸپ جاتقان ارحەولوگييالىق زەرتتەۋ جۇمىستارىنىڭ نەتيجەسٸنە ارنالعان «التاي – تٷركٸ ەلەمٸنٸڭ التىن بەسٸگٸ» اتتى حالىقارالىق عىلىمي-تەجٸريبەلٸك كونفەرەنتسييا ٶتەدٸ.
كونفەرەنتسييا جۇمىسىنا فرانتسييا, كورەيا, رەسەي جەنە مونعولييا مەملەكەتتەرٸنٸڭ ديپلوماتتىق كورپۋستارىنىڭ ٶكٸلدەرٸ, قازاقستان, تٷركييا, رەسەي, ۇلىبريتانييا, ۆەنگرييا, گەرمانييا, پولشا, قىتاي مەملەكەتتەرٸنٸڭ ٷزدٸك ارحەولوگتارى مەن تٷركٸتانۋشىلارى قاتىسادى.
