قما قاراعاندى وبلىسى بويىنشا دەپارتامەنتى «ءۇمىت سامعاۋ» قارجى پيراميداسىن قۇرۋ جانە وعان باسشىلىق ەتۋ دەرەگى بويىنشا سوتقا دەيىنگى تەرگەپ-تەكسەرۋ جۇرگىزۋدە، دەپ حابارلايدى Dalanews.kz.

كومپانيا ءوز قىزمەتىن جالعىزباستى انالارعا، كوپبالالى جانە از قامتىلعان وتباسىلارعا كومەك كورسەتەتىن قايىرىمدىلىق جوباسى تۇرىندە جاسىرىنعان.

ازاماتتارعا سالعان قاراجاتىنىڭ 300%-دان 800%-عا دەيىن تابىس اكەلەتىنى جونىندە ۋادە بەرىلىپ، ءارتۇرلى «سالىم تۇرلەرى» ۇسىنىلعان.

جوبا شارتتارى بويىنشا – سالىم كولەمى نەعۇرلىم جوعارى بولسا، تابىس تا سوعۇرلىم كوپ بولاتىنى ايتىلعان.

قاتىسۋشىلارعا تولەمدەر ناقتى كاسىپكەرلىك قىزمەت ەسەبىنەن ەمەس، جاڭا سالىمشىلاردىڭ قاراجاتى ەسەبىنەن جۇرگىزىلگەن.

قىلمىستىق سحەماعا ۇيىمداستىرۋشىنىڭ تۋىستارى مەن تانىستارى «دروپپەرلەر» رەتىندە تارتىلعان، ولاردىڭ اتىنا تىركەلگەن بانكتىك كارتالارى مەن شوتتارىنا سالىمشىلاردىڭ اقشاسى قابىلدانعان.

ناتيجەسىندە قارجى پيراميداسىنا 400-دەن استام ازامات تارتىلىپ، جينالعان قاراجاتتىڭ جالپى كولەمى 100 ملن تەڭگەدەن استقان.

سوت سانكسياسىمەن كۇدىكتىنىڭ پاتەرى مەن اۆتوكولىگىنە تىيىم سالىندى.

تەرگەۋ جالعاسۋدا.