QMA Qaraǵandy oblysy boiynsha departamenti «Úmit Samǵaý» qarjy piramidasyn qurý jáne oǵan basshylyq etý deregi boiynsha sotqa deiingi tergep-tekserý júrgizýde, dep habarlaidy Dalanews.kz.
Kompaniia óz qyzmetin jalǵyzbasty analarǵa, kópbalaly jáne az qamtylǵan otbasylarǵa kómek kórsetetin qaiyrymdylyq jobasy túrinde jasyrynǵan.
Azamattarǵa salǵan qarajatynyń 300%-dan 800%-ǵa deiin tabys ákeletini jóninde ýáde berilip, ártúrli «salym túrleri» usynylǵan.
Joba sharttary boiynsha – salym kólemi neǵurlym joǵary bolsa, tabys ta soǵurlym kóp bolatyny aitylǵan.
Qatysýshylarǵa tólemder naqty kásipkerlik qyzmet esebinen emes, jańa salymshylardyń qarajaty esebinen júrgizilgen.
Qylmystyq shemaǵa uiymdastyrýshynyń týystary men tanystary «dropperler» retinde tartylǵan, olardyń atyna tirkelgen banktik kartalary men shottaryna salymshylardyń aqshasy qabyldanǵan.
Nátijesinde qarjy piramidasyna 400-den astam azamat tartylyp, jinalǵan qarajattyń jalpy kólemi 100 mln teńgeden astqan.
Sot sanktsiiasymen kúdiktiniń páteri men avtokóligine tyiym salyndy.
Tergeý jalǵasýda.
