مەجٸلٸس دەپۋتاتى باقىتجان بازاربەك قاپشاعاي قالاسى مەن ٸلە ٶزەنٸنٸڭ بويىندا 81 جەر ۋچاسكەسٸ زاڭسىز بەرٸلگەنٸن مەلٸمدەپ, باس پروكۋراتۋراعا دەپۋتاتتىق ساۋال جولدادى, دەپ حابارلايدى Dalanews.kz.
دەپۋتات باس پروكۋراتۋرادان ٸستٸ جەكە باقىلاۋعا الۋدى جەنە جەر زاڭناماسىن ٶرەسكەل بۇزعان لاۋازىمدى تۇلعالاردى جاۋاپقا تارتۋدى تالاپ ەتتٸ.
“2025 جىلدىڭ ماۋسىم ايىنىڭ سوڭىندا باس پروكۋراتۋراعا, اشم جەر رەسۋرستارىن باسقارۋ كوميتەتٸنە جەنە سۋ رەسۋرستارى مەن يرريگاتسييا مينيسترلٸگٸنە قاپشاعاي قالاسى ەكٸمدٸگٸ تاراپىنان سۋ قويماسى مەن ٸلە ٶزەنٸنٸڭ جاعالاۋىنداعى 81 جەر ۋچاسكەسٸن زاڭسىز بەرۋ فاكتٸسٸن تەكسەرۋ تۋرالى ٶتٸنٸش جولدادىم. قولدانىستاعى تىيىمدار مەن شەكتەۋلەرگە قاراماستان, بۇل ۋچاسكەلەر زاڭسىز بەرٸلگەن”, – دەدٸ ول.
بازاربەكتٸڭ ايتۋىنشا, شٸلدە–تامىز ايلارىندا جٷرگٸزٸلگەن تەكسەرٸس بارىسىندا 50 ۋچاسكەدەن ٶرەسكەل زاڭبۇزۋشىلىق انىقتالعان.
“زاڭبۇزۋشىلىقتىڭ ٶزٸ ەمەس, ونى كٸم جاساعانى شوشىتادى. قاپشاعاي قالاسى ەكٸمدٸگٸنٸڭ شەنەۋنٸكتەرٸ جەر كودەكسٸ مەن سۋ كودەكسٸنٸڭ تالاپتارىن بۇزىپ, جەردٸ ٶز قامقورلارىنا – تۇڭعىش پرەزيدەنتتٸڭ جاقىن تۋىستارىنا, بۇرىنعى جوعارى لاۋازىمدى شەنەۋنٸكتەر مەن Forbes تٸزٸمٸندەگٸ وليگارحتارعا بٶلٸپ بەرگەن”, – دەدٸ دەپۋتات.
ونىڭ سٶزٸنشە, زاڭبۇزۋشىلىق انىقتالعان ۋچاسكە يەلەرٸنە 2025 جىلعى 29 تامىزدا №445 نۇسقاما بەرٸلگەن. الايدا تەكسەرٸس جٷرگٸزٸپ جاتقان جربك (دۋزر) مەن بابي ينسپەكتورلارى بيزنەس-ەليتا مەن جوعارى لاۋازىمدى شەنەۋنٸكتەر تاراپىنان قاتتى قىسىم كٶرۋدە.
سونداي-اق ول الماتى وبلىسىنىڭ ٸلە اۋدانىندا اۋىل شارۋاشىلىعى جەرلەرٸنٸڭ زاڭسىز بەرٸلگەنٸنە قاتىستى ٶز قولىنا تيگەن ماتەريالدار جايلى ايتتى.
“جەرگٸلٸكتٸ تۇرعىندار بٸرنەشە رەت شاعىمداندى: ٸلە اۋدانىن 14 جىل باسقارعان نيكولاي لوگۋتوۆ قىزمەتتٸك ٶكٸلەتتٸگٸن پايدالانىپ, جەردٸ تۋىستارىنا ٷلەستٸرٸپ كەلگەن. بٷگٸندە سول جەردٸڭ باسىم بٶلٸگٸ ونىڭ ۇلى كونستانتين لوگۋتوۆتىڭ يەلٸگٸندە”, – دەدٸ ول.
دەپۋتاتتىڭ مەلٸمەتٸنشە, كونستانتين لوگۋتوۆتىڭ اتىنا تٸركەلگەن "مونتاجنيك" شارۋا قوجالىعى, "DALA INVEST GROUP" جشس, "BILLBOARDS EMPIRE" جشس جەنە "AL-AGRO GROUP" جشس بار. وسى كومپانييالار ارقىلى وعان 10 مىڭ گەكتاردان استام جەر تيەسٸلٸ بولۋى مٷمكٸن.
“بۇل اۋماق كٶلەمٸ جاعىنان قوناەۆ قالاسىمەن تەڭ, تٸپتٸ ودان دا ٷلكەن. ال قاراپايىم حالىق جىلدار بويى 10 سوتىق جەر الا الماي جٷر. ونىڭ ٷستٸنە, تۇرعىنداردى مال جايۋعا نەمەسە شارۋاشىلىق جٷرگٸزۋگە بۇل جەرلەرگە كٸرگٸزبەيدٸ. ۋچاسكەلەر قاراۋسىز بوس جاتىر دا, استرونومييالىق باعاعا ساتىلادى”, – دەدٸ بازاربەك.
سونداي-اق ول اتالعان جەرلەردٸڭ بٸر بٶلٸگٸ “قىزىل سىزىقتا” ورنالاسقانىن جەنە ەرەكشە قورعالاتىن تابيعي اۋماقتارعا جاتاتىنىن اتاپ ٶتتٸ.
“پرەزيدەنت 2024 جىلعى جولداۋىندا: ەگەر جەر زاڭسىز بەرٸلسە نەمەسە پايدالانىلماسا, ول قاراپايىم تەرتٸپپەن مەملەكەتكە قايتارىلۋى تيٸس ەكەنٸن ناقتى ايتتى. بٸراق ٶكٸنٸشكە قاراي, ماعان جەتكەن اقپاراتقا سەيكەس, الماتى وبلىسىنىڭ پروكۋراتۋراسىنداعى كەيبٸر قىزمەتكەرلەر لوگۋتوۆتىڭ ەرەكەتتەرٸن بٷركەمەلەپ وتىر. ولاردىڭ ەسٸمدەرٸ مەنٸڭ دەپۋتاتتىق ساۋالىمدا كٶرسەتٸلەتٸن بولادى”, – دەدٸ دەپۋتات.
سٶز سوڭىندا ول باس پروكۋراتۋرانى ٸستٸ ەرەكشە باقىلاۋعا الۋعا, ينسپەكتورلاردى قىسىمنان قورعاۋعا جەنە ٸلە اۋدانىنداعى جەردٸڭ زاڭسىز بەرٸلۋٸنە قاتىستى تەرگەۋ جٷرگٸزۋگە شاقىردى.
